Македонија
Верушевски: Шпионажата не е семеен бизнис
Обвинителниот акт за осомничени во случајот „Пуч“ да се врати во Обвинителството бидејќи е непрецизен, нема доволно докази, описот на дејствијата е паушален и неиздржлив, сметаат адвокатите на обвинетите Зоран Верушевски и неговата сопруга Соња Верушевска, додека обвинителството смета дека ќе бидат докажани делата.
Сопружниците Верушевски, челникот на најголемата опозициска партија СДСМ, Зоран Заев, Звонко Костовски, вработен во Министерството за внатрешни работи, кој се спогоди со обвинителството и е веќе осуден за ова дело, по барање на Ѓорѓи Лазаревски, техничар во УБК се товарат за шпионажа, неовластено прислушување и тонско снимање, како и насилство спрема највисоките државни органи.
Обвинителството во понеделникот побара Судот во целост да го прифати обвинителниот акт, бидејќи доказите потврдувале дека обвинетите ги сториле кривичните дела за кои се товарат. Обвинителот Златко Биковски, истакна дека на главната расправа ќе се докажат делата за кои обвинетите се товарат.
Според адвокатскиот тим на обвинетите, во пријавата за поранешниот директор во Управата за безбедност и контраразузнавање Зоран Верушевски недостига прецизност за која странска држава, организација или лице на кои им служел тој ги прибирал податоците, ниту дали воопшто биле наменети за странска држава. Според адвокатите, не постојат докази дека се најдени податоци во службениот компјутер на Соња Верушевска.
Покрај бранителите, во расправата се вклучи и поранешниот разузнавачот Верушевски според кого „шпионажата не е семеен бизнис“. „Делува запрепастувачки делот од обвинителниот акт, каде мојата сопруга е во улога на шпион. Ве уверувам дека шпионажата не е, ниту може да биде семеен бизнис“, рече.
„Нема комуникација меѓу мене и странски служби, ниту, пак, Обвинителството има доказ за такво нешто, рече Верушевски. Додаде дека е член на СДСМ и дека партијата не е седиште на ниту една странска служба.
„Во моите три децени работа во контраразузнавање ве уверувам дека е невозможно да има шпиунажа, прислушкување и наслиство, бидејќи овие три модела не се компатибилни и никаде во светот не се употребуваат“, појасни поранешниот разузнавач.
Според одбраната нема докази ниту за останатите обвинети дека помагале за насилство врз државните институции, истакнаа дека нема временско прецизирање кога се вршела шпионажата и прислушувањето и според нив нема докази дека тоа се лицата кои ги давале овие информации на Верушевски.
По речиси петчованата јавна расправа за случајот „Пуч“ во Основниот суд Скопје 1, по што се очекува во наредните денови Советот за оцена на обвинителниот акт да одлучи дали ќе закаже судење, ќе го отфрли обвинителниот акт или предметот ќе биде вратен во истрага./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муцунски: ДУИ оди во опозиција, бојкотот не им успеа, цензусот е исполнет
Повикот на ДУИ за бојкот не успеа, а денот ги извади на виделина игрите на власта. ДУИ посакува криза и преку бојкот сакаше да се факторизира. ДУИ изгуби, бојкотот не им е успешен, извесно е дека одат во опозиција, изјави Тимчо Муцунски, на првата прес-конференција на ВМРО-ДПМНЕ по гласањето на парламентарните и вториот круг од претседателските избори.
„Пропадна сценариото да се создаде криза во државата, се радуваме што е постигнат цензусот, извесно е дека Давкова е новиот претседател. Очекуваме уште подобар резултат од првриот круг, и уште вечерва да биде јасна сликата како ќе изгледа идната Влада на Република Македонија. Очекуваме да имаме резултат што ќе го отслика опозициското расположение во државата“, рече Муцунски додавајќи дека ДУИ е дел од криминална власт што станува минато.
Како што рече, народот излегол за да си ја врати Македонија, односно контролата врз системот бидејќи државата наместо на елитите треба да му припаѓа на народот.
ВМРО-ДПМНЕ оцени дека дека изборниот ден генерално поминал мирно, со поединечни нерегуларности. Муцунски објави дека неколку функционери биле фатени во илегални активности со поткуп и ги повика интитуциите да истражат и да го испитаат потеклото на парите.
Македонија
(Видео) Кузеска за скриениот бојкот во некои општини: Како настапи секоја партија на изборите, треба да одговори пред себе и пред граѓаните
Денеска имавме мирен, достоинствен и успешен изборен ден, изборите беа фер и демократски, како што доликува на земја членка на НАТО со почнати преговори за Европската унија. Констатирани се одредени неправилности, но сметаме дека се тие со незначителни во овој изборен процес, рече портпаролката на СДСМ, Богданка Кузеска.
Правото на глас и слободното одлучување се најзначајни придобивки во демократијата, додаде Кузеска.
Таа упати благодарност до граѓаните кои денеска гласаа, а изборите ги оцени како слободни, мирни, демократски и достоинствени.
Кузеска кажа дека граѓанската волја ќе одлучи по кој колосек ќе се движи Македонија понатаму.
Прашана како го коментира скриениот бојкот во општините каде што има доминантно албанско население, портпаролката на СДСМ кажа дека како настапила секоја партија на овие избори треба да одговори пред граѓаните и пред себе.
„СДСМ од самиот почеток повикуваа на масовност, граѓаните да го искористат својот глас. СДСМ никогаш не бил кочничар на било кои процеси кои ја носат државата напред“, рече Кузеска.
Македонија
(Видео) Џафери не го поддржа бојкотот на Артан Груби: Граѓаните ќе одлучат која политичка опција е најдобра за нив и за државата
Претседателот на Владата на Република Северна Македонија, Талат Џафери, денеска го оствари своето гласачко право во родното Форино и гласаше на вториот круг од претседателските избори и парламентарните избори.
Премиерот Џафери, во изјава за медиумите посака мирен и фер изборен ден, во кој граѓаните ќе можат со својот глас да одлучат кој ќе ги носи одлуките што се суштествени за земјата и кои се за остварување на нашите стратегиски цели.
„Очекувам изборите да бидат слободни и демократски. Граѓаните можат слободно да ја изразат својата волја, впрочем, тоа го покажаа и на 24 април. Очекувам денот да заврши исто како и на 24 април, односно мирно, со можност секој граѓанин да го искористи своето уставно право и да го направи изборот за кој што мисли дека е најдобар за него и за државата“, изјави претседателот на Владата, Џафери.