Култура
Лондонски Sotheby's ја продава најстарата книга за кралот Артур
Единствениот средновековен ракопис што потекнува од XIV век, кој ги содржи сите легенди за еден од главните ликови на британскиот еп за кралот Артур и витезите од Тркалезната маса, ќе бидат дадени на аукција во Лондон во почетокот на декември
Како што потврдиле експертите, скапоцениот тритомник изработен од воловска кожа и украсен со рачно изработени минијатури на подлога од чисто злато, ќе ја достигне цената од најмалку два милиона фунти (повеќе од 3,2 милиони долари). Станува збор за една од најраните биографии на легендарниот водач на Британците и со самото тоа една од најпосакуваните британски древности.„Во овие книги е собрано се што е поврзано со кралот Артур, потрагата по Светиот Грал, рицарот Ланселот, кралицата Гиневра и волшебникот Мерлин, а пред тоа на располагање ни беа само расфрлани делови од текстот што може да се прочита во еден здив“, изјави претставникот на аукциската куќа Sotheby’s, Тимоти Болтон.Според него, ракописот познат како „Гралот Рошфуко“, бил изработен во Фландрија (денешна Холандија, а бил нарачан од страна на баронот Де Рошфуко Ги XVII-ти, основоположникот на едно од највлијателните аристократски семејства во средновековна Франција.Како што во петокот на оваа тема пишува британскиот весник Guardian, книгата е неверојатно тешка за изработка. Имено, пресметано е дека за изработката на сите страници потребна била кожата од неколку стотици волови, златна заднина за стотиците илустрации е направена од сплескани дебели монети ненесени како слој.„Според средновековните стандарди, ние го продавме ракописот многу евтино“, се жали Болтон.„Гралот Рошфуко“ е еден од највредните средновековни ракописи, кој сепак се зачувани во приватни раце. Овој ракопис е понуден на продажба од страна на холандскиот бизнисмен и колекционер Јост Ритман, кој се надева дека на тој начин ќе се соберат средства за библиотеката што ја основа, специјализирана за литература од алхемијата и од историјата на мистицизмот.Во меѓувреме се очекува продажбата на ракописот да предизвика незадоволство Британците, кои сметаат дека е тој е дел од историското наследство на земјата. Според читателите на Guardian, ваквите вредни документ треба да се чуваат исклучиво во музеи а не во приватни колекции.„Мала птичка не може да носи во клунот кокосов орев, ако ова не го разбирате, бездруго сте странец“, се наведува во еден од коментаите на читателите на британскиот весник.Кралот Артур е легендарниот владетел на Британците, чиј историски прототип, според се судејќи, живеел во VI век. Тој низ векоите стана светски прославениот херој на многубројните рицарски романси кои биле многу популарни во средновековна Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.