Македонија
ЕУ, ОН и Светска банка ги здружуваат силите во санирањето на последиците од поплавите
Европската унија и Светска банка заедно со агенциите на ОН во земјата одговорија брзо на барањето на Владата за помош во справувањето со штетата предизвикана од катастрофалните поплави кои ја погодија земјава на почетокот од месецов, соопштуваат од ОН.
Покрај тековните напори за помош по оваа непогода, заеднички тим на стручни лица за санација од катастрофи од ЕУ, ООН и Светска банка е распореден на терен за да работат со колегите од земјава во идентификување на причините за поплавите и на проценка на последиците од истите врз населението и економијата.
Гледајќи подалеку од надоместување на штетите, тимот ќе ја заврши Проценката на потребите после катастрофата заради идентификување на долгорочните потреби во делот на обновата и ќе подготви интегрирана стратегија за реконструкција. Проценката се очекува да биде завршена кон крајот од септември 2016-та година, додаваат од ОН.
Анализата на тимот ќе се заснова врз принципите на одржливиот развој. Тоа вклучува обнова и подобрување на оштетената инфраструктура заради зајакнување на нејзината отпорност и зголемување на нејзината улога во спречувањето на вакви слични катастрофи во иднина. Стратегијата за обнова ќе ги идентификува итните приоритети и ќе даде детална проценка на трошоците, обезбедувајќи рамка за донаторска поддршка.
„Поплавите од поројните дождови во август се трета катастрофа од ваков вид што ја погоди земјата во последниве 18 месеци,“ изјави Мартин Клауке, раководител за соработка при Делегацијата на ЕУ во Скопје. „Од овие причини важно е да се гледа подалеку од помошта што се дава во вонредни состојби и санацијата на штетата и да се согледа коренот на причините за катастрофите“, додаде тој.
„Ние заедно ќе се фокусираме на спречување на катастрофите,“ објасни постојаниот координатор на ООН во земјата Луиза Винтон. „Ова значи да се осврнеме на недостатоците во инфраструктурата за заштита, како што се одводните канали и системи. Да се смени однесувањето на населението, да се спречи депонирањето на отпаден материјал во одводните каналите и коритата и да не се градат објекти во делови каде постои висок ризик од поплави. А ова значи и воспоставување на системи за рано предупредување кои можат да алармираат брзо за опасност од поплави од пороен дожд“, вели Винтон.
„Нам навистина ни е жал заради трагичната загуба на животи и загрижени сме заради позачестените екстремни временски состојби, како во регионот така и во земјата“ изјави директорот на Светска банка, Марко Мантованели. „Итното преземање на активности за намалување на постоечкиот ризик од природни непогоди, избегнувањето на креирање на нови фактори на ризик и поефикасната реакција на катастрофи се неопходни за да се минимизираат последиците од овие настани врз населението и економијата во иднина. Светска банка е решена да им помогне на земјите да изградат отпорност на катастрофи преку вградување на ризикот во нивните одлуки за инвестиции“, смета Мантованели.
ЕУ и агенциите на ООН веќе се активни во обезбедувањето помош. Агенциите на ООН обезбедија финансиска помош за Црвениот крст и ги дистрибуираа итно потребните залихи како што се комплети за лична хигиена, хигиенски средства, душеци за спиење и ќебиња од сопствените резерви.
ЕУ веднаш го активираше Механизмот за цивилна заштита на барање на националните власти, а земјите-членки на ЕУ брзо обезбедија финансиска и материјална помош преку овој систем. Европската комисија донираше 150 илјади евра како директна помош, а придонесите од земјите-членки на ЕУ веќе надминаа 2 милиони евра. Во 2015-та, ЕУ одобри пакет од 10 милиони евра за земјата за справување со последиците од поплавите, и преку Директоратот на ЕУ за цивилна заштита и хуманитарна помош обезбеди три милиони евра за регионална програма за поголема подготвеност во случај на катастрофи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Да излеземе да гласаме, за да не можат да не’ уценуваат никогаш повеќе
Претседателот на ВМРО-ДПМНЕ, Христијан Мицкоски вечерва порача дека изборите се финална одлука за тоа дали Македонија ќе биде вратена назад на народот или ќе остане киданапирана во рацете на стотина луѓе.
„Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност. Пријатели, браќа и сестри, Нашата победа е на дофат. Но, не е доволно само да веруваме во подобро утре. Мора да дејствуваме. Мора да се мобилизираме. Мора да гласаме. За да немаат можност да нѐ уценуваат никогаш повеќе! Ве повикувам да излезете на избори со гордост и со одлучност“, порача Мицкоски.
Како што додаде, сите сме свесни во каква состојба е државата и што се случува околу нас. Оправдано, вели Мицкоски, многумина од вас велат ја изгубивме државата, затоа што гледаат дека институциите не функционираат, ја препознаваат корупцијата која е широко распространета, знаат дека политичарите не мислат на нив, туку само на себе.
„Тоа мора да престане. Мора да престанат разочарувањата и поделбите.Затоа што, има само една Македонија. Нема социјал-демократски планини, и вмро-вски реки, нема градови и села на дуи, или на алијанса и беса, или алтернатива, нема езера на левица или на Знам, тоа е една единствена Македонија. Нема социал-демократска или вмровска Македонија. Има само една Македонија. И ова е говорено многупати претходно но никој ништо не превзел. И се додека тоа не го сфатиме сите, и одговорно се однесуваме кон тоа, затоа што е крајно време, и ова е ми се чини и нашата последна шанса, се до тогаш, не е можен просперитет. Мора да сфатиме дека има само една Македонија и сите сме нејзин составен дел и дека таа не е ништо без нас и ние без нејзе, и дека од тоа каква е и каква ќе биде, зависат нашите животи и животите на идните генерации“, порача Мицкоски.
Македонија
Сиљановска-Давкова до младите: Не бегајте од Македонија, на 9 мај ќе почне нова демократска македонска историја
На 8 мај мора да ја повторите лекцијата од 24 април. Да научат како се однесува народот. Мора да им одржиме лекција дека народот легитимира, народот делегитимира. На овие избори се случува чудо, не доаѓаат само реки од народ од Македонија, туку и нашите Македонци од странство. На младите им порачувам, не бегајте од Македонија, не одете си! На 9 мај ќе почне нова демократска македонска историја. Ќе имаме нова одговорна власт, порача на митингот во Прилеп, кандидатката за претседателка поддржана од ВМРО-ДПМНЕ, Гордана Сиљановска-Давкова.
„Немојте да дозволите оние кои повикуваат на бојкот да ви го суспендираат избирачкото право. Тоа е ваше! Излезете и гласајте! Така ставате камче во новиот темел на демократска Македонија! Надежта ја гледам секој ден на лицата на младите, кај возрасните! Знаат дека се ближи ново време, ново македонско доба во која улога ќе имаат сите без оглед на припадноста. Времето на знаење, ум, креација доаѓа! Вие го направивте правиот избор на 24 април. Не се сомневам дека нема да го бојкотирате она што е ваше, избирачкото право. Сигурна сум дека ќе го направите вистинскиот избор на 8 мај. А потоа, заедно ќе го славиме Денот на победата над фашизмот. Тој ден ги обедини сите и повторно сите ќе не обедини. Ама сега за повисоки цели. За право и правда! За држава каква што заслужувате! Ве молам размислете, ние немаме друг избор. Македонија! Македонија вечна! Македонија сме ја наследиле, ќе ја оставиме на идните поколенија! Македонија горда! Како што се гордеам јас на Ченто, да се гордеете вие на вистинските чекори што сте ги направиле на 24 април и на 8 мај“, порача Давкова.
Македонија
Таравари: Ветувам дека кога ќе ја формираме Владата ќе трчаме уште посилно отколку во кампањата
„Со верба ветувам дека јас и сите челници на ВЛЕН кога ќе ја формираме Владата ќе трчаме уште посилно отколку во кампањата“, ова беше првото јавно ветување што Арбен Таравари го даде на големиот митинг во Тетово, додавајќи дека по 8ми мај нема да им биде удобно во кожните фотелји, туку ќе работат уште повеќе за сите.
Таравари нагласи дека иако имал многу понуди од Али Ахмети, тој избрал да биде со народот.
„Не сакам да се задржам многу. Оваа кампања беше незаборавно искуство за мене! Најдов пријатели и тим како ВЛЕН, видов и предавство од некои, кај кои како и кај секој предавник останува само сенка, но во повеќето најдов многу верба и храброст! Имав многу понуди од Али Ахмети, понуди на кои некои мои сопартијци не можеа да одолеат… но јас избрав да бидам ти. Горд сум што го направив овој избор и нека ни е Среќна Победата!“ – истакна Таравари.
Убеден во победата, Таравари рече дека Историската промена ќе остане запаметена како Револуција на светлата.
„Сега сè започна со некои светла од мобилни телефони, кои се палеа дури и кога режимот викаше дека ги гаси светилките на народот… овие светилки се спротивставија… се зголемија и денес тие се светлината на слободата што ја дигнаа земјата на нозе! Сега ги поканувам моите колеги од ВЛЕН на сцената и сакам сите да се фотографираат со вашите светла и да знаат сите дека оваа Историска промена ќе биде запаметена како Револуција на светлата. Господ да ве благослови!” рече Таравари во своите завршни зборови пред илјадници граѓани во Тетово.