Култура
Мето Петровски добитник на наградата „Златен објектив“
Мето Петровски е овогодинешниот добитник на наградата „Златен објектив“ кој ја доделува Кинотеката на Македонија за исклучителен придонес во македонската кинематографија.
Мето Петровски е овогодинешниот добитник на наградата „Златен објектив“ кој ја доделува Кинотеката на Македонија за исклучителен придонес во македонската кинематографија. „Оваа година управниот одбор на Кинотеката на Македонија одлучи наградата да биде доделена на Мето Петровски. Навистина со гордост може да го носи епитетот доајен во македонската кинематографија, имајќи предвид кога ќе се погледне неговата филмографија, наградите коишто се добивани итн“, изјави директорката на Кинотека на Македонија, Мими Ѓоргоска- Илиевска. По тој повод во петок со почеток од 11 часот ќе бидат одбележани и 35 години од постоењето на Кинотека на Македонија. „Кинотеката на Македонија е првата која што беше формирана како независна кинотека пред 35 години. Денеска, егзистира, работи и ја обавува својата дејност за заштита на аудиовизуелното наследство сиве овие години“ рече Ѓоргоска- Илиевска. Свечената церемонија ќе започне со доделување на наградата, потоа прикажување на досегашните настани и активности на Кинотека на Македонија, изложба на фотографии, филмска програма посветена на добитникот на „Златен објектив“ и филмски маратон кој ќе трае цел ден. Како дел од програмата ќе биде прикажан и македонскиот филм „Време без војна “ во режија на Бранко Гапо. Добитникот на наградата Петровски досега има снимено 40 документарни филмови и моментално работи на нов проект. „Оваа награда значи потврда на трудот изминат низ целиот временски период. Да направите 30, 40 документарни филмови не е едноставно. Тој процес бара многу напор, размислување, несоници и консултации со луѓе“ изјави Петровски. Тој додаде дека новиот проект ќе биде биографија на еден човек од Скопје и е најстариот работник кој работел во хидроелектрана во Македонија. Оваа награда кинотеката на Македонија ја доделува по шести пат./крај/макфакс/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.