Македонија
Во Куманово не се слушаат истрели
Во раните попладневни часови во неделата во Куманово стивнаа истрелите од автоматско оружје коишто можеа да се слушнат од утрото во продолжетокот на полициската акција започната во кумановската Дива населба од саботата утрото со цел да се неутрализира поголема тешко вооружена група.
Повеќе полициски транспортни возила сé уште се поставени пред влезот на населбата, додека полициските сили ја спроведуваат акцијата за чистење на теренот во пошироката област, откако во саботата навечер по 16-часовни борби ја разбија главнината од терористичката група составена, според прелиминарните сознанија од лица од Косово со нивни поддржувачи од земјата.
Репортерите јавуваат дека веќе не се забележува и чадот, како во саботата и неделата претпладне. Во населбите во близина на местото на коешто се одвиваше полициската операција нема електрична енергија. Градските власти најавија итно формирање кризен штаб и соодветна помош за населението.
Целта на вооружената терористичка група, како што информираше министерката за внатрешни работи Гордана Јанкулоска, бил напад на стратешките државни институции во Република Македонија.
Се шпекулира со планирани напади врз неколку полициски станици, касарна, суд, но ниедна информација засега нема официјална потврда. Исто така, се наведува и дека специјалните полициски тимови деминирале автомобил-бомба откриен во Дива населба, за чија намена сé уште не се знае.
Според последните информации во двата дена од операцијата во кумановско, осум македонски полицајци ги загубиле животите, а над триесет се ранети./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.