Македонија
Груевски: Ова не беше македонско-албански судир, туку судир на лица кои не и мислат добро на државата и лица кои ја бранат
Македонската полиција ја имаше досега најтешката и најсложена операција, која беше професионално, одговорно и посветено водена од страна на полицијата составена од полицајци од сите етнички и верски групи, изјави во неделата премиерот Никола Груевски, осврнувајќи се на настаните кои се случија во Куманово, а во кои животот го загубија осум припадници на македонската полиција, во борба со терористичката групација од над 40 лица.
„Вчера и утрово во речиси непрекината 24-часовна борба, според кажувања на стручните лица во МВР со подолг стаж, македонската полиција ја имаше досега најтешката и најсложената операција. Активноста која професионално одговорно и посветено ја водеја професионалци на МВР и која македонската полиција, составена од полицајци од сите етнички и верски групи, вклучувајќи покрај Македонци и Албанци, и Турци, Роми, Срби, Власи и други етнички заедници изведе високо професионална патриотска и херојска акција со која успеја да ги неутрализа терористите кои планираа мсовни убиства во Македонија со цел дестабилизација на земјата. За жал осум полицајци ги изгубија своите животи Сашо Самоиловски, Бобан Ивановиќ, Горан Илиевски, Исамедин Османи, Љубиша Аранѓеловиќ, Горан Стојменовиќ, Жарко Кузмановски и Ненад Серафимовски, се имињата на загинатите бранители, во оваа прилика го изразувам моето длабоко сочувство до нивните семејства колеги и пријатели, загубивме осум луѓе кои спречија убиства на можеби осум илјади лугѓе, слава им, нивниот патриотзам и херојство ќе биде пример и водилка за многу генерации, нивната жртва нема да се заборави. Покрај убиените, ранети се многу полицајци кои доцна синоќа ги посетив, многуод нив се со лесни повреди за кои ме убедија дека ќе се вратат на кај своите семејства и блиски, како и на своите работи места“, изјави Груевски.
Груевски потенцираше дека овде не се работи за македонско-албанско судир, туку за судир помеѓу, од една страна луѓе кои не и мислат добро на држава, и од друга страна луѓе кои ја штитат.
„Во текот на вчерашниот ден имаше некои медиум и поединци кои пуштаа шпекулација и невистини а кај добар дел имаш обид да се навлече гневот на граѓани Албанци на Македонија, но граѓаните Албанци не наседнаа на провокациите. Ова не е македонско албанско судир туку судир на лица кои не и сакаат добро на државата и нејзините граѓани и на лица кои ја чуваат државата, уставот и уставниот поредок и безбедноста на сите граѓани. Нивното дејствување носи само штета како за Македонија, така и за Албанците во Македонија и во регионот“, порача Груевски.
Премиерот исто така информираше дека досега биле пронајдени 14 тела за кои се претпоставува дека им припаѓаат на терористичката група, во која според сознанијата имало лица кои учествувале во терористичкиот напад врз полицискиот објект во Гошинце и кои биле учесници во уште неколку конфликти досега, делумно во овој регион а делумно и на Блискиот Исток.
„Едно е сигурно, барем една од намерите беше дестабилизација на Македоија. Дозволете да истакнам дека во текот на борбите имаше беспрекорна координација меѓу државните институции. Сите кои сме на одговорни позиции бевме во контиунирана координација. Дозволете да му се заблагодарам и на градоначалникот на куманово за пораките иактивнистите во текот на оваа акција. Апелирам до сите кои во вакви моменти ја напаѓаат опозицијата или власта заради дневнополитичка конфронтација на оваа тема барем за време на вакви операции и состојби да ги прекинат овие активности бидејќи во такви моменти е потребно единство на државата. Македонија има сила да продолжи да чекори напред и да напредува, ваквите лица и настани нема да ја одвратат Македонија од стратешките цели на државата и нејзините граѓани. На сите оние кои размслуваат да и нанесат зло на државата и народот им порачувам дека ќе завршат како оваа терористичка групација во 28-те часови борба“, заклучи премиерот Груевски./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.