Забава
Почина најстариот жител на планетата
Гертруде Баинес, најстариот човек на планетата почина во петокот во старски дом во болничкиот центар Вестерн Конвалесцент во Лос Анџелес
Гертруде Баинес имаше 115 години и последни десет ги живееше во старскиот дом. Сега најстарото лице на Земјата е Јапонката Ками Чинен која има 114 години. Според изјавата на лекарот Чарлс Вајт, таа најверојатно починала од срцев удар, но сепак телото е испратено на обдукција за да се утврди вистинската причина за смртта. Гертруде го надживеала целото нејзино семејство, вклучувајќи ја и нејзината единствена ќерка. Баинес се родила во 1894 г. Во Шелеман, а во април годианва кога наполнила 115 годии за новинарите изјавила – „Да се живее толку долго е исто како да сте добиле награда на генетска лотарија“. Баинес беше прогласена за најстар жител на Земјата во јануари годинава откако во Португалија почина 115-годишната Марија де Хезус.Воопшто досега потврдено со документи најстар човек на планетава, односно најдолговечен е Французинката Жан-Луис Калмент која кога почина во Арл, на 4-ти август 1997 г. Имаше 122 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Илон Маск се соочува со бурни реакции поради ажурирањето на политиката за содржина на X за возрасни
Икс на Илон Маск, поранешен „Твитер“, ја ажурираше својата политика за да дозволи, како што ја нарекува, „консензуално произведена и дистрибуирана“ содржина за возрасни на платформата, потег што предизвика критики на социјалните мрежи дека ќе му наштети на корисничкото искуство, пишуваат американските медиуми.
На X платформата стои „ние веруваме дека корисниците треба да можат да создаваат, дистрибуираат и консумираат материјал поврзан со сексуални теми сè додека е консензуално произведен и дистрибуиран“.
„Веруваме во автономијата на возрасните да се вклучат и да создаваат содржини што ги одразуваат нивните сопствени верувања, желби и искуства, вклучително и оние поврзани со сексуалноста. Ја балансираме оваа слобода со ограничување на изложеноста на содржини за возрасни за децата или возрасни корисници кои одлучуваат да не ја гледаат та содржина“.
Овој потег предизвика некои критики за платформата, вклучително и за самиот X.
„Мразам да го кажам тоа, но тој некако ја уништи оваа платформа. Ја претвора во ‘само фанови’. Дури се нарекува и X“, објави Касандра Мекдоналд, мислејќи на Маск, на платформата.
„Само фанови“ е платформа базирана на претплата каде што корисниците можат да објавуваат содржини за возрасни што ги споделуваат со претплатниците.
Платформата истакна дека ќе ја ограничи содржината за возрасни со предупредување пред корисниците да можат да пристапат до неа. Тоа ќе бара оние кои објавуваат на платформата да ги променат своите поставки за да дозволат такви предупредувања.
Забава
(Видео) Адел се расправаше со лице од публиката поради Парадата: „Дали си глупав?“
Британската пејачка Адел јасно стави до знаење дека на нејзините концерти не се толерираат коментари со омраза.
Имено, за време на викендот, добитничката на Греми со вулгарност одговори на една личност од публиката која според видеото објавено на социјалните мрежи, за време на нејзиниот концерт извикувала погрдни зборови за Парадата.
„Извинете, дали дојдовте на мојот концерт само да кажете дека „Прајдот е с*ање“, налутено праша Адел. „Дали си глупав? „Не биди толку смешен“, рече таа.
Публиката аплаудираше и ја бодреше Адел, а таа продолжи: „Ако немаш ништо убаво да кажеш, ќути. Добро?”.
Забава
Георгина објави фотографија од Роналдо и децата, фановите го пофалија фудбалерот: „Најдобриот татко“
Георгина Родригез објави неколку фотографии на Инстаграм со нејзиниот вереник Кристијано Роналдо и нивните деца.
Тие уживаа покрај базенот, а потоа продолжија да се дружат низ играта. Навивачите особено ги воодушеви фотографијата на која Кристијано црта со деца.
„Ова е најслаткото нешто што сум го видел денес. Најдобриот татко“, го пофали еден од следбениците на Георгина во коментарите под објавата, која за два часа собра 2 милиони лајкови.