Култура
По 60 години таинствениот обожувач не се појави на гробот на Едгар Алан По
Таинствениот почитувач на делот на Едгар Алан По, кој секоја година на годишнината од раѓањето на американскиот поет преку ноќ на неговиот гроб оставал шише со коњак и рози, ја прекинал традицијата по шест децении
Американските медиуми забележувајќи ја оваа појава нагаѓаат која е причината за прекинување на мистериозната традиција. Се претпоставува дека, имајќи предвид дека обожувачот воспостави традиција веќе 60 години, најверојатно и самиот починал. Или, пак, можеби бил спречен да го изврши својот обичај. „Збунет сум. Не знам што се случило“, изјавил Џеф Џером, кустос на спомен куќата и музејот на Едгар Алан По во Балтимор. Дденешното изостанување на таинствениот обожувач на поетот од редот на ткн. „темните поети“, само ја продлабочи мистеријата околу неговиот идентитет. Традицијата на оставање шише коњак и роза е почната на 19-ти јануари 1949 г. и до вчера траеше 60 години, без ниту еднаш да биде прекината. Некои американски хроничари забележале дека оваа традиција е можеби почната и претходно, но од 1949-та постои пишан запис за обичајот во балтиморскито локален весник Evening Sun. Од 1978 г. Џером и неколку негови пријатели постојано сокриени на гробиштата во Вестминстер хол чекале да го откријат идентитетот, но успеале само да забележат фигура облечена во црно и со бел шал, со шапка со широк обод, како остава шише коњак и рози. Секогаш непознатиот се појавувал меѓу полно и 5 часот наутро.Од 1993 г. посетителот на гробот на По почнал да остава пораки, почнувајќи со онаа на која пишувало „Факелот ќе биде предаден“, а во пораката од 1998 г. се насетува дека зачетникот на обичајот во чест на поетот починал, и дека најверојатно ќе го продолжат негови потомци.Со време овој мистериозен израз на почит кон Едгар Алан По, прераснува во атракција но и во своевиден аџилак и на другите почитувачи на поетот. Понекогаш имало и по неколку стотини лица кои од прикрај го следеле ритуалот на фигурата во црно. Сега, повеќето од нив изразуваат големо жалење преку глобалните општествени мрежи за дружење и комуникација, што традицијата е прекината.Но кустосот Џеф Џером сепак се надева дека на таинствениот почитувач не му се случило ништо лошо, туку дека сметал дека минатата 2009 г. кога беше одбележана 200-годишнината од раѓањето на Едгар Алан По, е згоден термин да се прекине традицијата. Во секој случај Џером најави дека тој и неговите пријатели ќе го продолжат „бдението“ и во следните неколку години очекувајќи го повторното појавување на мистериозниот обожувача на поезијата на „проколнатиот“ поет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.