Култура
Оригиналот на „Цвеќето на злото“ продаден за 775 илјади евра
Оригиналниот примерок на збирката песни на францускиот поет Шарл Бодлер со потпис на авторот, е продаден на посебна аукција во Париз за неверојатна цена од 775 илјади евра
Аукцијата на 108 предмети кои му припаѓале на еден од најславните француски поети е одржана во парискиот хотел l’Hôtel Drouot, а биле понудени лични писма и книги. Вкупно на аукцијата биле заработени повеќе од 4 (четири) милиони евра. Тоа е двапати повеќе од сумата која била проценета од страна на организаторите, јави AFP.Инаку имотот на Шарл Бодлер по неговата смрт во 1867 г. и’ припаднала на неговата мајка, Каролен Опик, а потоа минала во сопственост на нејзината правна советничка Нарацис Ансел, која меѓу другото го наследила и овој примерок на збирката прекрасни песни „Цвеќето на злото“. Целиот тој имот подоцна го наследува семејството на адвокатката.Овие дела од 1957 се наоѓале во Националната библиотека, а во 1968 г. се пренесени во париската П’ти Пале (Малиот дворец) и биле сопственост на фондот „Опик – Ансел“ кој се грижел за оставштината на семејството Бодлер да се пренесуваат од генерација на генерација.Засега примерокот кој бил посветен од Болдер на Нарцис Ансел е проценет меѓу 120 и 150 илјади евра, пишува париски Le Figaro. А писмото во кое Бодлер „зборува“ за самоубиство, пред да се самоубие на 30-ти јуни 1845 г., е проценето меѓу 50 и 75 илјади евра, почетна цена.Станува збор за рекордно висока цена која ја достигнал примерок од оваа книга. Во 2007 г., примерок од збирката со посвета на Бодлер за неговиот пријател сликарот Ежен Делакроа, на аукција во Сотби е продаден за 603.200 евра, забележуваат француските медиуми.Енормно високи цени постигнале и писмата на поетот. На пример, шесте писната што Бодлер му ги напишал на пријателот Едуард Мане се продадени за 110 илјади евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.