Економија
Договорена економска соработка со Сао Паоло

Соработка во областа на здравството, размена на доктори преку студиски посети, обуки и периодична работа на бразилски доктори во Македонија, и македонски во Бразил, како и трансфер на знаења, методи и техники од областа на здравството, е договорено на средбата на премиерот Никола Груевски, со гувернерот на федералната држава Сао Паоло, Џералдо Хозе Родригес Алкмин Фиљо.
Федералната држава Сао Паоло е економски најмоќната држава во Федеративната Република Бразил, а компаниите лоцирани на нејзината територија учествуваат во создавањето на 40 отсто од бруто домашниот производ на Бразил. Градот Сао Паоло е финансиски, економски и индустриски центар на Бразил.
Соговорниците истакнале силна заложба за унапредување на соработката помеѓу Република Македонија и Сао Паоло, при што посебен акцент беше ставен на економските теми и можноста за економска и трговска соработка, размена и инвестиции, но и соработка на полето на информатичките технологии, во образованието и во здравството.
Сметаат дека реализацијата на конкретни теми и проекти ќе биде од големо значење за имплементација на политичката волја за продлабочување на меѓусебните односи.
Премиерот Груевски ги истакна реформите кои се спроведуваат во нашата земја и поволностите кои се овозможуваат за реализација на странски директни инвестиции во Република Македонија. Се осврна на најниските трошоци за водење бизнис во Европа кои ги нуди нашата земја, но и на проектите кои се реализираат во образованието, информатиката и администрацијата.
Гувернерот Фиљо позитивно ги оцени нашите реформи и поволности и истакна дека ќе го искористи својот авторитет и позиција да ги охрабри компаниите од Сао Паоло да се осврнат кон можностите за ширење на бизнисите и опциите кои ги нуди Македонија, но и истакна дека како федерална државна власт се расположени за соработка и поддршка на нашата земја во повеќе сфери од заемен интерес.
Беше договорено во наредниот период да се конкретизира и операционализира соработката во областа на здравството, чија интенција е размена на доктори од двете земји преку студиски посети, обуки и периодична работа на бразилски доктори во Македонија, и македонски во Бразил, како и трансфер на знаења, методи и техники од областа на здравството.
Во рамки на средбата беше потпишан Меморандум за соработка во областа на информатичките технологии, кој од македонска страна го потпиша министерот Веле Самак, чија цел е унапредување на можностите за соработка на ниво на администрација во информатиката, реализација на проекти за унапредување на административните услуги, но и создавање на основа за соработка на компании од двете земји на заеднички проекти од оваа област.
Двајцата соговорници договорија во текот на идниот период да се разгледаат можностите за дополнителна соработка на конкретни проекти во поедини сфери, за што ќе се дефинираат приоритетните теми кои ќе се разработуваат етапно.
Соговорниците разменија мислења за повеќе други прашања и теми од областа на економијата и јавните дејности./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Се намалуваат цените на дизелот и на бензините

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,06 % во однос на одлуката од 4.8.2025 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,391%, кај дизелот за 3,169%, кај екстра лесното масло за 3,989% и кај мазутот намалувањето е за 0,667%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,0797%.
Малопродажната цена на ЕУРОДИЗЕЛ (Д-Е V) се намалува за 1,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 0,50 ден/лит.
Малопродажната цена на Екстра лесното масло за домаќинство на (ЕЛ-1) се намалува за 1,50 ден/лит.
Малопродажната цена на Мазутот М-1 НС се намалува за 0,159 ден/кг и сега ќе изнесува 39,786 ден/кг.
„Напоменуваме дека ова се максималните цени на нафтените деривати од 00:01 часот на 12.8.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
Мицкоски: Опозицијата се служи со лаги, земјоделските производи се откупуваат

„Исплатата на субвенциите кај земјоделците е навистина за мене би рекол изненадувачки позитивна, бидејќи изминатата недела веќе се исплатија околу 400 милиони денари за околу 7 илјади земјоделци и ценам дека на тој начин ќе продолжиме и понатаму да ја придвижуваме економијата и земјоделската активност“, вели Христијан Мицкоски, претседател на Владата, одговарајќи на новинарско прашање.
Во однос на обвинувањата од страна на опозицијата Мицкоски посочи дека тие се служат со лаги, мислејќи дека на тој начин ќе добијат некој политички поен, но како што рече земјоделците да бидат спокојни бидејќи имаат Влада која работи во нивен интерес.
„Ги следам пораките од опозицијата коишто се обидуваат повторно со конструкции, лаги, да напаѓаат. Јас би сакал да кажам следно: фактите се сосема поинакви. А, кои се фактите; оваа Влада беше избрана пред нецели 14 месеци, имавме во национални шуми и во А.д. Водостопанство неисплатени плати повеќе од 3 месеци, тоа се заврши и се исплатија тие плати и до ден денес се исплаќаат редовно.
Имавме неисплатени субвенции од 2021 година, сега се завршува со исплатата на субвенциите за 2024 и се отпочнува со тековните од 2025 година. Во делот на тутунот-договорите коишто беа потпишани на 375 денари по килограм и 80 денари субвенција откако беше избрана оваа Влада, со нови преговори со откупувачите се качија од 375 на 400 денари и субвенцијата од 80 на 100 денари со што се постигнаа рекордни 500 денари по килограм продаден тутун, а реколтата од 17, 18 милиони килограми порасна на 22, 23 милиони килограми, затоа што донесовме закон во којшто кажавме сè додека и последниот лист македонски тутун не биде откупен нема да се увезува друг тутун.
Рано-градинарските продукти, дали е тоа зелката пролетна, доматите, краставицата, лукот, кромидот, пиперките итн. забележуваат рекордна откупна цена. Затоа што ние како Влада и Министерството не се договараме со откупците околу цената, како некој што го правеа тоа во минатото да профитира на маката на земјоделците и секаде се бележат рекордни цени. И кај мелничарите, и кај производителите на пченица, кај грозјето исто така. Оваа година имаме и род 25% повеќе, затоа што навремено работеа системите за водоснабдување коишто минатата година не работеа; ако минатата година беше 70, 75 милиони килограми, сега ќе биде над 100.
И тоа сè се факти. А тоа што го гледаме од страна на опозицијата е само обид да се конструира нешто и мал обид за политикантство; тие си имаат своја агенда, а ние треба да работиме во интерес на граѓаните. Тие ќе лажат, нема да ја говорат вистината мислејќи дека на тој начин ќе добијат некој политички поен, но граѓаните нека бидат спокојни имаат Влада којашто води сметка за се“, истакна тој.“
Економија
9.000 тони македонска пченица ќе се откупат за потребите на стоковите државни резерви, вели ВМРО-ДПМНЕ

„Стоковите резерви на пченица се полнат со македонска пченица, откупена директно од македонските земјоделци. Државните резерви, со своите вредни и неуморни раце, ги полнат македонските земјоделци“, вели ВМРО-ДПМНЕ.
„Со одлука на Владата, 9.000 тони македонска пченица ќе се откупат за потребите на стоковите државни резерви.
Тоа ја покажува и потврдува вистинската грижа и посветеноста на Владата предводена од ВМРО-ДПМНЕ за интересот на државата и земјоделците.
Наместо да се купува увозна, која како држава скапо ја преплаќавме, како што беше случај во време на власт на СДС и министер Љупчо Николовски, сега државните стокови резерви ги полни пченицата од македонските земјоделци.
За време на владеење на СДС, стоковите резерви се полнеа со пченица купена од странство за 25% поскапа од берзанска, односно 27 денари по килограм, што беше за шест денари поскапо.
А профитот, односно ќарот 100% од ваквите зделки, завршуваше кај посредниците, а сега целата добивка завршува директно кај македонскиот земјоделец.
Тоа време заврши. Сега никој не заработува на грбот на другите, посебно на трудот на земјоделецот и на штета на државата“, соопшти ВМРО-ДПМНЕ.