Економија
OECD: САД и Јапонија го предводат заздравувањето на Г7, еврозоната заостанува
САД и Јапонија го предводат заздравувањето на најразвиените светски економии, додека заздравувањето во тврдоглаво ранливата еврозоната бара намалување на каматните стапки, предупреди во четвртокот Организацијата за економска соработка и развој (OECD).
Прогнозите за групата седум најголеми економии во светот Г8 на крајот се подобрени, иако сé уште е прерано владите и централните банки да ги укинат вонредните мерки за поддржување на економскиот раст, предупредуваат исто така од OECD.
Според нивните прогнози, овие економии во првото годинешно тромесечје во просек ќе порасната за 2,4 отсто, во однос на истиот период минатата 2012 година, откако во претходниот квартал, последниот од минатата година се намалила за 0,5 отсто. Во второто тримесечје од 2013 година, пак, се предвидува растот за забави на 1,8 отсто, проценуваат во OECD.
„Сакаме да истакнеме дека сега веќе сме умерено оптимистични. Сведоци сме на зацврстувањето на растот во САД, благодарејќи на новите мерки гледаме и посилен раст во Јапонија, а истото важи и за Германија”, изјави Пјер Карло Падоан, главен економист во OECD.
Скусената верзија на извештајот објавена во четвртокот содружи и процени за тримесечниот раст за групата Г8, а целосната верзија на извештајот ќе биде објавена во мај.
Најголемата светска економија, САД, ја предводи групата, со проценет раст во првиот квартал од 2013 година од 3,5 отсто. Во второто тромесечје, според процените на OECD, би требала да забави на два процента.
Со новите мерки зајакнатата јапонска економија би требала да порасне за 3,2 отсто во првите три месеца од годинава, како и за 2,2 отсто во периодот од април до јуни.
Прогнозите за најголемите економии во еврозонатата, пак, покажуваат големи разлики, па најголемата економија, на Германија, би требало да порасне за 2,3 отсто, по 0,6-процентниот пад во последното минатогодишно тромесечје. Во вториот годинешен квартал, растот на германската економија би требало да забрза на 2,6 отсто.
Франција би требало да излезе од рецесија дури во вториот квартал, кога би требала за забележи раст по стапка од 0,5 отсто, додека во случајот на Италија не се надзира светлото на крајот од тунелот до половината на 2013 година.
Оттаму Европската централна бана, имајќи ја предвид ниската инфлација, има причина дополнително да ги намали клучните каматни стапки и можеби треба и експлицитно да ги сигнализира своите намери за иднината, истакнува Падоан./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската делница Скопје-Тетово.
Тој на својот профил објави:
„Продолжуваме со засилено темпо на работа. Видео од реконструкцијата на автопатот Тетово – Скопје на делот пред Скопје, проект на Јавното претпријатие за државни патишта. Ќе ја направиме Македонија поубаво место за живеење.”- објави министерот Николоски.
Инвестицијата е вредна 9,1 милиони евра.
Економија
(Видео) Битиќи: Доцни повратот на ДДВ, се враќа времето до 2016 година кога компаниите страдаа
За изненадување мое, но не и на јавноста, најочигледно после 7 години, оваа тема повторно станува важна како до 2016 година, а тоа се сценарија во коишто продолжуваат доцнењата на враќањето на законскиот рок за поврат на ДДВ за компаниите коишто е од елементарно значење. Затоа што враќањето на ДДВ за компаниите значи зголемена ликвидност и можност за инвестирање и на таков начин, освен што се исполнува законскиот основ, се исполнува и основната цел, а тоа е да служиш на стопанството за да можат да продложат да поттикнат економски раст и развој, рече денеска Фатмир Битиќи, пратеник на СДСМ.
„За жал, сценаријата од 2016 година, каде што компаниите молеа до власта за да се врати ДДВ после 6-7 месеци, сега повторно се случува истото и влегуваме во еден таков цилкус каде што веќе враќањето на ДДВ не се прави на начин каде што автоматски би требало да биде направено, туку има друг коишто ќе одлучува за сето тоа.
Ги охрабрувам тие коишто треба да постапат според законот, да го прават тоа затоа што стопанството го заслужува тоа во овие тешки моменти за заздравување на економијата и заслужуваат да им се помогне за нивната ликвидност“, изјави Битиќи.
Економија
(Видео) Битиќи: Со Законот за нефер трговски практики на СДСМ ќе поевтинат 2.500 производи
„Денес имаме причина да се гордееме! Законот за нефер трговски практики, кој беше подготвен од СДСМ и донесен на 13 март 2024 година, стапува на сила. Овој закон не е празна декларација, тој е конкретна мерка која ќе го заштити буџетот на граѓаните и ќе го намали самоволието на трговците и добавувачите. За првпат, создадовме системско решение со кое ќе ставиме крај на манипулациите со цените. Од денес ќе важат јасни правила и се става ред во односите меѓу трговците и добавувачите со прехранбени производи“, рече денеска на прес-конференција, Фатмир Битиќи, пратеник на СДСМ.
„Законот нема да ги наруши добавувачките ланци и нема да предизвика хаос на пазарот. Дадовме системски одговор на сите манипулации со кои беа оптоварувани граѓаните, а со тоа и нивниот животен стандард“, вели тој.
Битиќи објасни дека со овој закон се регулираат 26 нефер трговски практики, со кои над 2.500 земјоделски и прехранбени производи ќе имаат ограничени маржи од 10%. Тоа, според него, значи дека нема да има просторот за неосновано покачување на цените и создавање на дополнителни трошоци кои директно ги погодуваат семејните буџети.
„Граѓаните конечно ќе почувствуваат системска заштита од покачување на цените. Придобивките се јасни: поквалитетни и поевтини производи на пазарот, транспарентни деловни практики и крај на ситуацијата во која потрошувачите се принудени да плаќаат повисоки цени поради нечесни договори и шпекулации. Овој закон кој го подготви СДСМ е на страната на граѓаните! Денес, сакам да упатам јасен повик до сите трговци и добавувачи: почитувајте го Законот за нефер трговски практики! Почитувајте ги правилата и водете се од принципите на чесност и транспарентност. Овој закон е за доброто на сите нас – и трговци, и производители, и граѓани. Ги повикувам и надлежните институции да преземат проактивна улога и да го спроведуваат овој закон со максимална контрола и посветеност. Само на тој начин ќе го постигнеме она што го посакуваме – стабилни цени и заштита на економската сигурност на секое секој еден граѓанин“, изјави Битиќи.