Македонија
ЗНМ бара нова истрага за смртта на Никола Младенов
Слободата на медиумите во Македонија е сериозно загрозена, наместо слободни имаме контролирани медиуми,предупредува претседателот на Здружението на новинарите во Македонија на 3 мај, Меѓународниот ден на слободата на медиумите.
Селмани на Меѓународниот ден испорача неколку барања до Владата и побара радикална реформа во медиумскиот простор.
„Македонските институции треба да формираат мешовита независна комисијата, која ќе води нова истрага со цел да ги отфрли или потврди сомневањата во јавноста дека новинарот Никола Младенов не загинал во сообраќајна несреќа, туку дека врз него бил извршен атентат.Врховниот суд да ја укине пресудата на Апелациониот суд за новинарот Томислав Кежаровски осуден со две и пол години завор за наводно откривање на заштитен сведок. Освен тоа, Врховниот суд треба да ја укине и пресудата на Апелација, со која новинарите на Фокус, Јадарнка Костова и Владо Апосотолов им е наложено да исплатат околу 9 илјади евра како наматеријална штета и судски и други трошоци, за ваводна клевета на директорот на УБК, Сашо Мијалков. Со укинувањето на овие апсурдни пресуди ќе се задоволи правдата и ќе се поврати изгубената доверба на граѓаните во македонското судство. Ако Врховниот суд не ги укине овие пресуди тие ќе паднат пред Европскиот суд за човекови права во Стразбур.Јавното обвинителство треба да го повлече обвинението против новинарот Зоран Божиновски за наводна шпиунажа, која за нас е неоснована.Освен тоа, владата треба да престане со јавни пари да ги корумпира македонските медиуми. Сите владини кампањи да бидат стопирани на неодредено време се додека не се најде решешение за трошењето на јавни пари во медиуми. Исто така, владата не треба со јавни пари да ја финансира домашната продукција на национаните приватни телевизии“, рече Селмани.
Побара Македонската радио телевизија да се ослободи од стегите на партиската контрола.
„Владата да обезбеди одржлив извор на финансирање на МРТ и да ги департизира и деполитизира управните органи. Уредниците и новинарите на МРТ да работата во интерес на јавноста и да не потклекнат на било какви притисоци.Агенцијата за аудио и аудиовизуелни медиумски услуги, да се департизира и деполитизира. Треба да се обезбеди независноста на медиумскиот регулатор, кој ќе биде во можност да креираат политики и амбиент за слободни и независни медиуми. Регулаторот, место да ги плаши медиумите со високи казни, да излезе со јасна визија како ќе го извлече од криза медиумскиот систем.И на крај, власта мора да се престане со орекстрирана хајка против новинари кои ја критикуваат нејзината политика. Говорот на омраза мора да престане во сите медиуми оти ваквиот говор не е одлика на професионални новинари. Институциите треба да го санкционираат говорот на омраза во медиуми согласно домашното и меѓунардоното право“, побара Селмани.
Одлуката за одбележување на Светскиот ден на слободата на медиумите ја донесе Генералното собрание на Обединетите нации за да се подигне свеста за значењето на слободата на медиумите и да се потсетат владите во државите дека нивна должност е да го почитуваат и поддржуваат правото на слобода на изразување загарантирано со член 19 од Универзалната декларација за човекови права.
На овој ден се одбележува годишнина од Декларацијата во Виндхук, изјава за принципите за слободата на медиумите којашто ја составија група афрички новинари во 19991 година./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Минимална плата од 450 евра во првите 100 дена од новата влада, побараа синдикалците
Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.
Тие порачаа дека после 8 мај, кој и да дојде во владата, треба да ги исполни нивните барања во првите 100 дена.
„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците.
Оттаму порачаа дека бараат достоинствени плати за да не мора, како што рекоа, својата егзистенција да ја бараат во Хрватска, Црна Гора или други земји.
Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.
Македонија
Мојсоска: На бугарофилите им кажавме дека местото не им е тука
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.
Македонија
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај.
„Во услови на влошена економско-социјална положба на работниците, единствен гарант се само силни синдикати.
Независни цврсти, добро организирани и меѓусебно координирани синдикати можат да ги штитат и унапредуваат правата на работниците. Слабо платените работници и други работоспособни граѓани ја напуштаат Македонија. Ваквата состојба е резултат на вкупните лоши политики и негрижата на власта и работодавците кон тие што работат и создаваат нови вредности“, велат од Демократскиот сојуз.
Како што велат, Демократскиот сојуз е прва партија која во Македонскиот парламент предложи минимална плата, како што предлагаат и дефинирање на минимална пензија.
„Повеќе од јасно е дека е неопходен системски пристап и вреднување на трудот на секој вработен, но без реформи и борба против високата корупција состојбите нема да се променат. Народот не може да создаде толку колку што власта може да украде“, велат оттаму.
Демократскиот сојуз ги повикува синдикатите, на претстојните избори да се вклучат во промените.