Наука
Најбогатиот Русин го купи Нобеловиот медал на Вотстон за да му го врати на сопственикот
– Алишер Усманов
Рускиот милијардер и познат филантроп Алишер Усманов откри дека тој е купувачот кој на наддавањето на 4-ти декември го купи златниот Нобелов медал на славниот научник Џејмс Вотстон, човекот кој ја откри структурата на ДНК, и објави дека ќе му ја врати.
Рускиот милијардер и познат филантроп Алишер Усманов откри дека тој е купувачот кој на наддавањето на 4-ти декември го купи златниот Нобелов медал на славниот научник Џејмс Вотстон, човекот кој ја откри структурата на ДНК, и објави дека ќе му ја врати.
Алишер Усманов преку компанијата за односи со јавноста „Finsbury“ објави дека телефонски наддавал за медалот на аукцијата организирана од Christie’s минатата седмица и оти за неа платил 4,76 милиони американски долари. Од споменатата аукциска куќа за The New York Times ја потврдија оваа информација.
Професорот Вотстон, кој денес има 87 години, пред продажбата на медалот изјави дека го понудува за да собере пари коишто ќе ги донира за научни истражувања. „Се радувам на ваквите филантропски потези. Така ќе можам да продолжам да го давам својот удел за одржување на атмосферата во академската заедница во којашто преовладуваат големи идеи и човечност“, изјави за весникот Вотсон.
Усманов, кој според економскиот магазин Forbes, e во моментов најбогатиот Русин со сопственост проценета на 15,8 милијарди долари заработени во тешката индустрија и телекомуникациите, според обвинувањата на Западот благодарејќи на неговата близина со рускиот претседател Владимир Путин, е еден од првите вложувачи во компанијата на најголемата светска социјална мрежа Facebook и е сопственик на удел од лондонскиот фудбалски клуб Арсенал.
Русинот изјави дека длабоко го вознемирила намерата на Вотстон да го продаде својот Нобелов медал и заработката од тоа да ја донира во добротворни цели и појаснува дека сакал да му помогне да го исполни својот филантропски инстинкт, а притоа да не се одрече од својот физички удел во Нобеловата награда. „Според мене, ситуацијата во којашто извонреден научник го продава својот заслужен медал е целосно неприфатлива,. Џејмс Вотсон е еден од најголемите биолози во историјата на човештвото и неговата награда за ДНК мора да му припаѓа само нему“, го објаснува Усманов својот потег.
Усманов стапил во контакт со Вотсон пред наддавањето и му понудил да го откупи медалот. Научникот понудата ја одбил бидејќи сакал да види како ќе мине аукцијата. И погодил, бидејќи медалот донел повеќе пари отколку што изнесувала првичната понуда на рускиот филантроп. „Тој е одушевен што го доби медалот назад. Се чувствува почестен“, изјави Дејвид Кас, портпаролот на Вотсон.
Усманов додава дека неговиот татко починал од рак и дека го цени придонесот на Вотсон во истражувањата на туморите. „Важно е тоа што парите коишто ги дадов ќе отидат на поддржување на научните истражувања, а медалот ќе и’ остане на личноста којашто го заслужува“, порача.
Џејмс Вотсон е првиот жив добитник на Нобеловата награда во историјата кој го продаде својот медал, чијашто вредност беше првично проценета на 3,5 милиони американски долари. На истата аукција беа понудени и неколку документи на Вотсон, меѓу кои и своерачните кроки од неговите говори кои беа проценети на 300 до 400 илјади долари за секој поединечен документ.
Џејмс Дјуи Ватсон е американски молекуларен биолог, генетичар и зоолог, и е најпознат по откривањето на структурата на ДНК во 1953 година, заедно со Розалинд Френклин, Линус Полинг, Франциск Крик и Морис Вилкинсон. Тројцата научници. Витсон, Крик и Вилкинс во 1962 година беа наградени со Нобеловата награда за медицина „за нивните откритија поврзани со молекуларната структура на нуклеинските киселини и нивната важноста за пренесување на информациите“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.