Регион
Србија и Кина потпишаа изјава за стратешко партнерство
Кинескиот претседател Кси Џинпинг ја продолжи во саботата тридневната посета на Србија со официјалните разговори со српскиот колега по должност Томислав Николиќ, со кој ја потпишаа изјавата за стратешко партнерство меѓу Србија и Кина.
На двајцата претседатели по разговорите зад затворен врати им се придружија шефовите на државните делегации по што следеше потпишувањето на уште 21 меѓудржавен договор, меѓу кои за воено-одбранбената индустрија, економско-техничката соработка, заедничките проекти во инфраструктурата, промоција на туризмот и телекомуникациите, сообраќајот, заеднички вложувања во обновливата енергија и други.
Пред средбата со Кси, Николиќ оцени дека „Србија и Кина се сигурни партнери“, како и дека „од пријателството меѓу двете земји секако ќе произлезат нови економски односи“, додека кинескиот гостин возврати со пораката дека Пекинг е „подготвен да го поткрене нивото на пријателските односи“.
„Кина е држава која од темели го менува светскиот економски поредок, а не се меша во политиката и во воените судири. Мислам дека голем дел од човештвото ви е благодарен за тоа“, изјави Николиќ.
Оценувајќи ги односите меѓу двете држави како „длабоки и содржајни“, кинескиот претседател Кси истакна дека „не ги одбележуваат само пријателството и соработката, туку и заедничките вредности“.
„Подготвени сме да вложиме напори да го зацврстиме заедничкото пријателство меѓу двете земји кои ги воспоставија нашите постари генерации. Подготвени сме заедно со вас и натаму да го подигнуваме нивото на пријателските односи“, порача кинескиот претседател.
Николиќ на Кси притоа му го врачи Орденот на Република Србија.
Кинеската државна делегација, во која има околу 200 лица, во саботата ги продолжи билатералните разговори со највисоките српски функционери, а за недела е предвидена посета на челичарницата во Смедерево која ја купи кинеската компанија „Hesteel“. Воедно во недела ќе заврши и тридневната посета на кинескиот претседател Кси Џинпинг на Србија./крај/мф/сн
Извор: Tanjug
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.