Политика
Шеќеринска: Власта по секоја цена бега од фер и демократски избори
Македонија се наоѓа во сериозна политичка, економска, државна криза која што е предизвикана од погрешните и криминални политики на ВМРО ДПМНЕ, а како резултат на таквите политики сите овие години, денеска како држава се соочуваме со огромен број на луѓе, стотици илјади, коишто заминуваат од државата, изјави во петокот потпретседателката на СДСМ, Радмила Шеќеринска.
„Се соочуваме со низок животен стандард, со медиумски мрак, со изборни измами и сериозни индиции за голем криминал коишто се случувал. Овие политики и овие резултати можеме да ги промениме само низ чист, кредибилен, фер и демократски изборен процес. За таа цел, на Македонија и се неопходни прочистен избирачки список, неопходни и се реформирани медиуми. За жал и во последниве денови се покажува дека власта бега по секоја цена од фер и демократски избори и сака да продолжи да лови во матно, како што ловела во сите изминати изборни циклуси“, вели Шеќеринска.
„Во текот на вчерашниот ден, станаа достапни документи и дописи коишто доаѓаат од страна на две институции, а тоа е Агенцијата за пошти и Дирекцијата за заштита на лични податоци, коишто замислете, преку ноќ се сетиле дека веќе не било време за спиење и одеднаш станале многу заинтересирани за заштитата на личните податоци на граѓаните на Република Македонија. Ова се две институции коишто во ист ден испратија дописи и пораки и одлуки до ДИК со една и едниствена цел, координирана од врвот на ВМРО ДПМНЕ, а тоа е да се спречи понатамошното јавно објавување на сите податоци од избирачкиот список“, објаснува потпретседателката на СДСМ.
„На тој начин ќе се криши Изборниот закон и ќе се кршат принципите коишто беа договорени и во Пржино и после тоа. Замислете овие две институции коишто молчеа сиве овие години кога на пример партиски организации шетаа од врата на врата и со податоци од ПИОМ коишто содржеа и адреси и податоци и имиња и презимиња и единствени матични броеви, одеа од човек на човек, тогаш овие две институции никаде ги немаше. Кога излезе скандалот со употребените лични карти од страна на владеачките партии, тие молчеа. Сега кога постоеше целосен консензус дека избирачкиот список јавно достапен до сите граѓани ќе се прочисти и како резултат на дојавување и од страна на граѓаните, одеднаш го свртеа листот и сега бараат ДИК практично да им ги затвори овие информации коишто беа достапни до граѓаните“, објаснува Шеќеринска.
„Со тоа се покажува дека власта бега од фер и демократски избори и дека се плаши дека било каков јавен пристап до избирачкиот список ќе ги открие дополнително, криминалот коишто бил правен во претходните избори. Заради тоа сакам да ја испратам пораката. На граѓаните на Република Македонија и требаат избори час поскоро, коишто ќе стават крај на овие погубни политики. Тие избори мора да бидат фер и демократски. За фер и демократски изброи неопходен е чист избирачки список и неопходни се реформирани медиуми. Ние ќе продолжиме да инсистираме на овие два услова без кои фер и демократски избори нема да бидат возможни“, порача Шеќеринска.
Запрашана пак околу тоа како го оценува излегувањето на ДУИ од владата, Шеќеринска вели дека тоа е став на ДУИ, а она за што се залага СДСМ е да не дозволи Македонија да биде жртва на било какви внатрепартиски или меѓупартиски пазарења и договарања.
„Јас не би сакала да коментирам одлука која истата таа партија вчера ја објави и најави дека денеска ке ја дообјаснува. Нека објаснуваат, нека кажуваат кој е нивниот став, тоа не е наша работа. Меѓутоа наша работа и работа на сите граѓани на Република Македонија е никој од нас да не дозволи Македонија да биде жртва на било какви внатрепартиски или меѓупартиски пазарења и договарања. Чист избирачки список, слободни и реформирани медиуми, тоа се условите кои ги поставија граѓаните на Република Македонија и без нив фер и демократски избори не се возможни. Ќе повторам, на граѓаните на Република Македонија им требаат избори час поскоро , за да стават точка на ваквото криминално владеење коешто ја осакати оваа држава. Меѓутоа тие избори за да бидат решение на оваа криза мора да бидат чисти како солза“, вели таа.
„Нашите пораки во посетите коишто ги правиме не се кон политичките партии во Република Македонија, нашата цел е да разговараме и да испраќаме пораки до граѓаните. Оние коишто излегоа со најави сега и должат на јавноста одговори. Ние тие одговори не можеме да ги дадеме ниту пак сакаме да им се мешаме. Тие на своето гласачко тело, на своите членови, на своите симпатизери нека објаснуваат. Меѓутоа фактот е еден, било какви политички договарања, преговарања, пазарења не можат од јавноста да го скријат фактот дека само чисти избори можат да ја решат кризата во Македонија. Ние ќе продолжиме да се бориме за чисти избори . Ние сметаме дека тоа е целта на сите граѓани на Република Македонија, а политичките партии нека изберат која е нивната одлука или која е нивната игра. Фактот е еден . Бегството од фер и демократски избори не е само страв од соочување со граѓаните. Тоа е страв и од соочување со кривичната одговорност за криминалите коишто изглегле на виделина . Како што спомнав, овие две институции ни агенцијата за пошти ни Дирекцијата за заштита на личните податоци не се јавија со збор да го коментираат нелегалното прислушкување на 20.000 граѓани на Република Македонија. Не се јавија со збор кога нивните приватности и лични податоци биле злоупотребувани. Се разбира не се јавија со збор кога чувме дека опремата со којашто тоа се правело се обзнани дека била уништувана. Затоа власта овие денови нервозно реагира. Затоа избирачкиот список сакаат да го кријат од јавноста. Затоа сакаат да спречат било каква шанса за фер и демократски избори . Тоа едноставно не е опција“, заклучува Шеќеринска./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.