Регион
Мило Ѓукановиќ ги напушта државните функции
Црногорскиот премиер Мило Ѓукановиќ ги напушта државните функции, а на премиерската функција, доколку Демократската партија на социјалистите (ДПС) го добие мандатот за составување на нова влада, ќе го замени Душко Марковиќ.
Главниот одбор на ДПС дополнително ќе одлучува по предлогот на претседателството на партијата Марковиќ да биде кандидат за нов мандатар на црногорската влада, по парламентарните избори кои се одржаа на 16-ти октомври.
Кандидатурата на Марковиќ, највисоките партиски органи ја утврдиле на седницата одржана во вторникот и таа не претставува изненадување за црногорската јавност, иако Ѓукановиќ за време на предизборната кампања не се изјасни околу својот натамошен политички ангажман.
Мило Ѓукановиќ, во минатото, двапати ја напуштал премиерската функција, но секогаш се враќал на чело на црногорската влада, со објаснување дека неговото искуство е потребно за државата.
Сепак, овојпат нема сомнение дека тој се повлекува од државничките функции, иако има мислења дека ќе се кандидира за претседателските избори во 2018 година.
На изборите одржани на 16. октомври, ДПС освои 36 пратенички мандати, но партијата сама не може да формира влада. Поради тоа во партијата сметаат дека во коалиција со партиите кои ги застапуваат интересите на малцинствата ќе имаат мнозинство во парламентот.
Со четирите пратеници на малцинствата и двајца на Социјалдемократите, ДПС би имал мнозинство од 42 пратеника во парламентот кој брои 81 пратеник./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.