Европа
Владата на Рахој ја доби довербата на шпанскиот парламент
Владата на десниот центар на премиер Маријано Рахој доби во саботата поддршка од парламентот за новиот четиригодишен мандат, со што Шпанија по 315 дена, два парламентарни избори за помалку од година и тешки меѓупартиски преговори доби малцинска влада, а во понеделник истекуваше рокот за формирање влада, по што Шпанците ќе мораа да излезат на третите избори за дванаесет месеци.
Премиерот Маријано Рахој го поддржаа 170 пратеници во парламентот од 350 мандати. Против беа 111 пратеници а 68 се воздржаа од гласањето. Во саботата на 61-годишниот Рахој му беше потребно просто мнозинство за да остане премиер, односно повеќе гласови „за“ отколку „против“ без разлика колку пратеници гласале. Пред два дена не успеа да добие мнозинство од половината пратеници – 176.
Мандатот го освои, бидејќи најголемата опозициска партија од левиот центар Шпанската социјалистичка работничка партија (PSOE) се воздржа од гласањето.
„Тоа го сторивме за да ги избегнеме третите избори и за институциите да продолжат да функционираат. Вашиот избор господин Рахој не е добар, но е полош од повторување на изборите“, изјави во портпаролот на PSOE, антонио Ернандо.
Но во PSOE која двапати забележа слаб резултат на изборите дојде до раскол во септември годинава, послабите резултати на регионалните избори во северните покраини Галиција и Баскија. Претседателот на партијата Педро Санчез, кој се обидуваше да создаде лева коалиција со Подемос, ја отстапи по губење на поддршката од главното тело на партијата.
Тоа тело во неделата донесе одлука за воздржување од гласањето во саботата, што на Рахој му овозможува создавање малцинска влада. Одлуката е објаснета со спречување на третите парламентарни избори за една години, но исто така и од стравувањето PSOE од можен нов пораз на евентуалните избори во декември.
Народната партија и PSOE се менуваат на власт во последните четири децении, откако е воведена демократијата во Шпанија по падот на режимот на хунтата на генералот Франко, но под влијание на економската криза, невработеноста и корупцијата на елитата, новоформираните партии Подемос и Граѓани освоија дел од нивните гласачи и мандати во парламентот.
Рахој, кој е на власт од 2011 година, го поддржа неговата Народна партија (PP), партијата од центарот Граѓани и малата регионална партија од островите Канари. Партиите од левицата ја обвинија PSOE за предавство, а лидерот на третата партија според бројот на пратениците Подемос, Пабло Иглезијас, изјави дека мандатот на Народната партија ќе биде „кус но болен“. Челникот на четврто пласираната партија, Граѓани,истакна, пак, дека поддршката за малцинската влада е можност за соработка и договори во полза на Шпанија, и можност за контролирање на власта.
Шпанија 315 дена беше без нова влада бидејќи четирите водечки партии не можеа да се договорат за коалиција. На изборите во декември, па повторените во јуни, победи Народната партија,но не успеа да добие доволно пратеници за самостојно формирање влада. Рахој пред два месеца не доби доволна поддршка во парламентот, како ниту во четвртокот кога пратениците на PSOE гласаа против.
„Ќе владееме како малцинска влада, каква што никогаш во историјата Шпанија немала, но со дијалог и одговорност. Добиве поголема поддршка на изборите во јуни отколку во декември, бидејќи беа препознаени реформите кои ги спроведовме по доаѓањето на власт во текот на економската криза“, изјави Рафаел Ернандо, портпарол на пратеничката група на Народната партија.
Поради слабите резултати на PSOE, нејзиниот челник Пердо Санчез, во саботата со солзи во очите поднесе оставка и на местото во парламентот, за да не мора да гласа против својата партија или против своето убедување. Тој не се појави на гласањето, додека 16-те негови истомисленици гласаа против владата на Рахој. „за да не го изневерат она што им го ветија на гласачите“.
Санчез претходните месеци се трудеше да формира лева коалиција со Подемос и Обединетата левица, кои поддржуваат одржување референдум за независност во покраините Каталонија и Баскија, како и со јасно сепаратистичките партии во овие покраини. На таквата коалиција се противеше другата фракција во PSOE.
Шпанската економија расте со стапка од околу 3 отсто, што е една од највисоките во еврозоната, меѓутоа стапката на невработеност е втората по големина во целата ЕУ по Грција. Во четвртокот статистичката агенција објави податок според која невработеноста од јули до септември паднала на 18,91 отсто благодарејќи на туризмот, што е првпат во последните шест години невработеноста да е под 20 отсто./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.