Европа
Германија сака да ги врати барателите на азил во Грција
Германија сака да ги врати европските правила според коишто барателите на азил мора да бидат вратени во Грција, бидејќи таму првпат влегле на територијата на Европската унија, изјави во неделата германскиот министер за внатрешни работи Томас де Мезиер.
„Би сакал повторно да се применува Даблинската конвенција… ќе разговарам за тоа на состанокот на европските министри за внатрешни работи“ кој ќе се одржи подоцна во октомври, вели во разговорот за грчкиот дневен весник Kathimerini германскиот министер за внатрешни работи Томас де Мезиер.
Минатата година во Грција, според тамошната влада, пристигнале повеќе од милион мигранти, од кои најголемиот дел завршија токму во Германија.
Даблинските правила, инаку, одредуваат дека земјата членка на Европската унија азилантот прво ќе влезе е одговорна за обработката на неговото барање за азил. Правилата предвидуваат и дека азилантот мора да биде вратен во земјата во којашто прво влегол, доколку влезе во некоја друга членка на ЕУ пред да биде разгледан неговиот случај.
Меѓутоа, овие правила се суспендирани за Грција во 2011 година, откако земјата ја загуби тужбата на Европскиот суд на правдата кој оцени дека таа не постапува на соодветен начин со мигрантите кои бараат меѓународна заштита. „Од тогаш, ЕУ пружи значителна помош, не само финансиска“ за Грција да ги подобри процедурите кон азилантите, нагласува германскиот министер Де Мезиер, кој уште во август побара да се вратат на сила Даблинските правила, што тогаш предизвика протестите од страна на официјална Атина.
Грција, пак, предупредува дека на нејзината територија веќе се наоѓаат повеќе од 60.000 бегалци и мигранти, кои се блокирани откако земјите по ткн Балканска рута ги затворија границите.
Меѓутоа, Де Мезиер смета дека тоа не значи дека Даблинските правила не треба да бидат вратени насила, укажувајќи на јакнењето на критиките во Германија поради тоа што таа конвенција не се применува.
Министерот де Мезиер, кој неодамна во изјава го намали бројот на азилантите кои минатата 2015 година пристигнале во Германија на 890.000 од претходно соопштената бројка од 1,1 милиони, повторува дека Берлин е подготвен да го преземе својот дел од бегалците кои пристигнале во Грција и во Италија во текот на 2015 и 2016 година.
„Германија е подготвена да прими до 500 луѓе месечно од двете земји“, тврди Де Мезиер./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во неговото креветче и веднаш повикале помош, но веќе било доцна.
Медицинскиот персоналнал направил се, за да го реанимира бебето, дури го пренеле во најблиската болница Форнароли во Магента, но не можеле ништо да направат за да го спасат детето.
Момчето починало во истата болница каде што било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи, Аналена Бербок, изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер-нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер-напади врз СДП и германски компании од секторите на одбраната, авијацијата и информатичката технологија.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.