Надворешна политика
Аналитичарите во Будимпешта за Макфакс: Кредибилни избори но и доследна имплементација на политичките договори
Кредибилни избори би биле само првиот чекор за враќањето на Македонија кон европските интеграции, бидејќи пред се е потребно земјата да го сработи она што партиите го договорија во поглед на сеопфатните реформи во општеството, коментира за Макфакс данскиот аналитичар Џонатан Ото, член на данската тинк-тенк органзација „Совет за меѓународно решавање на конфликтите“.
Од Будимпешта, Бојан Стојковски
„Може да се каже дека доколку избирачкиот список е прифатен од страна на јавноста, односно постои консензус кај политичките партии, тогаш изборите би биле кредибилни, тоа беше еден од главните проблеми поради што беа одложени претходните два пати. Во неколку извештаи исто така постоеше загриженост околу транспарентноста на медиумите, каде што можат да се направат многу работи, пред сет еднаквата застапеност во медиумите. Ова беше и еден од проблемите за Европската комисија во подготовката на препораките за Македонија, односно како одредени политички актери во земјата користат одредени национални прашања за да ја промовираат својата партија, агенда и идеологија, ова беше доста тешко прашање и сметам дека треба да се направи поинаков пристап и од двете страни за да се совлада овој проблем“, вели Ото.
Според него, главен проблем во моментов претставуваат и ингеренциите на Специјалното јавно обвинителство, односно дали на оваа институција ќе и се овозможи да има пристап до соодветните податоци за таа да може соодветно да ја заврши својата работа.
„Загрижен сум за и за ингеренциите на СЈО, односно околу тоа колку оваа институција фактички може да направи и сработи, до какви податоци може да има пристап и дали тие материјали до кои има пристап би му помогнало да ја заврши својата работа“, додава тој.
Во фокусот на работата на оваа данска организација е и имплементацијата на Охридскиот рамковен договор, нешто за што постои огромна загриженост, пред се поради бавниот процес.
„Имплементацијата на Охридскиот рамковен договор е исто така нешто што не е на задоволително ниво, во 2001-ва имаше мировен договор но и политички договор, иако тогаш сите политички партии го поддржаа оваа, потребна е и неговата имплементација. Нашите истражувања беа фокусирани на тоа како општеството ги прифати овие промени, бидејќи многу од работите кои беа во договорот се однесуваат на нормите во едно општество и за ова понекогаш не се доволни неколку месеци или години, туку потребна е промена во менталитет. Она што сега треба да се направи е да се има политичка волја но и имплементација на овој договор пред се на локално ниво“, заклучува Ото.
Ото е учесник на конференцијата на ОБСЕ и Советот на Европа која последниве два дена се одржува во Будимпешта а на која главна теми беа дискриминацијата, нетолеранцијата и антисемитизмот на европскиот континент./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.