Свет
CNN го открила „тајното оружје на Трамп“ за влијание врз исходот на изборите
![](https://makfax.com.mk/wp-content/uploads/2016/11/tramp-siri-race.jpg)
Американска телевизија CNN во саботата пренесе дека кандидатот на Републиканската партија за претседател на САД, милијардерот Доналд Трамп, имал „тајно политичко оружје“ со коешто може да влијае врз исходот од гласањето.
Станува збор за лондонската компанија „Cambridge Analytica“, којашто според сознанијата на CNN, добила од Доналд Трамп повеќе од пет милиони американски долари за да ги убеди избирачите да гласаат за него на претседателските избори во САД кои ќе се одржат во вторник на 8-ми ноември.
Аналитичарите на споменатата компанија собираат информации за потенцијалните гласачи, а потоа го прилагодуваат политичкото рекламирање според резултатите добиени од психолошкиот портрет.
Информациите „Cambridge Analytica“ ги добива од социјалните мрежи, нудејќи им на корисниците да одговорат на нејзини или други прашалници, кои се наменети единствено за профилирање на индивидуалните карактеристики на испитаниците.
„Потоа податоците за лицето се споредуваат со неговото гласање на претходните избори, неговите омилени списанија, па дури и за тоа какви програми следи на телевизиите“, се наведува во написот на CNN.
Телевизијата притоа не наведува пример на политичкото рекламирање коешто било направено специјално за Трамп. Сепак, се наведува дека CNN добило од „Cambridge Analytica“ образец разработен претходно за сенаторот од американската сојузна држава Тексас, Тед Круз, кој се откажа од трката за претседателската номинација на Републиканската партија.
За Круз лондонската компанија определила 160 типови гласачи, меѓи кои „закоравен традиционалист“ или „опуштен лидер“. Соодветно со тоа, за секоја група биле составени различни варијанти на пораки и онлајн реклами. На „традиционалистот“ му предложиле да „го сочува спокојството и да гласа за Круз“, а на „лидерот“ му ветиле дека „доаѓаат подобри денови“.
Од изборниот штаб на претседателскиот кандидат Доналд Трамп, не го коментирале извештајот на телевизијата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.