Свет
Курдско-арапските сили бараат поддршка за офанзивата врз сириска Рака
Сириските демократски сили (SDF) во кои главнината ја сочинуваат единиците на курдската милиција, објавија во неделата дека мобилизирале 30.000 борци за покренување офанзива врз сирискиот град Рака, административен центар на истоимената покраина, и дефакто главен град на ултрарадикалната сунитска организација Исламска држава во Сирија, и притоа повикаа да ја добијат „секоја можна поддршка“, пренесуваат агенциите.
„Ги повикуваме сите меѓународни и регионални сили, настраданите од дејствијата на Исламската држава, да дадат свој достоен придонесе во елиминирањето на центарот на светскиот тероризам, обезбедувајќи ги сите видови поддршка: логистичка, морална и политичка, на силите кои учествуваат во ослободувањето на Рака“, се наведува во соопштението на SDF испратено до светските агенции.
Претходно од SDF соопштија дека започнуваат операција за преземање на контролата над главниот град на Исламската држава во Сирија. Операцијата е наречена „Гневот на Еуфрат“, и ќе биде изведувана во координација со „силите на меѓународната коалиција“ предводена до САД.
„Ќе победиме во оваа судбоносна битка, како што претходно победивме во Кобани, Тел-Абјад, Ал-Хасака, Ал-Хаула, Шедади и Манбиџ“, се истакнува во соопштението.
„Рака ќе ја ослободат нејзините синови и арапските, крудските и туркмeнските фракции, борци јунаци под знамето на SDF, со активно учество на Единиците за заштита на курдскиот народ (YPG)….“, се додава во соопштението
Покрај тоа, сириските Курди ги повикуваат цивилите „да се држат подалеку од утврдувањата на борците кои ќе се наоѓаат под оган нашите и сојузничките коалициони сили“, а хуманитарните организации „да го исполнат својот долг пред жителите на Рака“, кои „наскоро ќе бидат ослободени“ од угнетувањето на Исламската држава.
Портпаролката на SDF, Џихан Шеик Ахмед, на прес-конференција во Аин Иса, град оддалечен педесетина километри од упориштето на џихадистите го најавила почетокот на офанзивата врз Рака, пренесува AFP. Репортерот на агенцијата притоа јави дека десетици вооружени борци со возила се упатиле кон фронтот.
Арапско-курдската коалиција тврди дека се договорила со САД, во офанзивата да не учествува Турција. „Сириските демократски сили дефинитивно се согласија со меѓународната коалиција Tурција, и бунтовниците кои ѝ се сојузници, дека нема да учeствуваат во офанзивата врз Рака“, соопшти портпаролот на SDF, Талал Село.
Турскиот претседател Реџеп Тајип Ердоган на 27-ми октомври изјави дека воените операции кои што Турција ги води на северот на Сирија ќе бидат проширени и на Рака.
Операцијата за ослободување на Рака е втората голема офанзива врз овој град, откако кон средината на октомври ирачките сили и ирачките Курди со поддршка на коалицијата на САД ја започнаа офанзивата врз Мосул, најголемото упориште на Исламската држава во соседен Ирак./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.