Перо Антиќ и Македонската кошаркарска федерација (МКФ) повоторно влегоа во клинч, откако поранешниот капитен на репрезентацијата на својот профил на Facebook упати жестоки критики кон МКФ и агенцијата за млади и спорт (АМС). Ова е втор пат, во кус период, Антиќ да влезе во жестока преписка со МКФ, откако на Европското првенство,  во септември, тој го ме му одговори на критиките кои кон него ги упати првиот човек на федерацијата Петар Наумовски.

МКФ, во среда, ќе го прогласи најдобрите за 2015 година, а истото ќе го стори и АМС, а Перо Антиќ го нема на ниту една од овие две листи, иако со настапите во Атланта и Фенербахче тоа го заслужи.

„Искрено сум изненаден што АМС уште постои. Порано беше позната по малолетните директорчиња без грам спортско искуство. За МКФ не знаев дека имаат активност, мислев дека се спремаат за избори во април (освен отпуштања, деградирање и плукање по бивши соработници), напишал Антиќ на својот профил на Facebook.

На свеченоста МКФ меѓудругите ќе му ја врачи наградата за најдобар македонски кошаркар Војдан Стојановски, додека пак АМС, го номинираше Владо Илиевски  за наградата најдобар македонски спортист во странство. Антиќ во својот коментар има само пофални зборови за своите поранешни репрезентативни колеги.

„Војдан знае какво е моето мислење за него како личност и како кошакар, дека е иднина на нашата кошарка и било која награда е повеќе од заслужена. Од друга страна Владо заслужува еден споменик за се што направил за македонската кошарка и Македонија воопшто. Направил многу повеќе од некои луѓе што се со титули и функции. Но, целата ситуација покажува со каков мозок размислуваат луѓето кои седат во фотелји (незаслужено), која им е целта и во кој правец иде нашата кошарка и спортот воопшто“, напишал крилниот центар на турски Фенербахче, Перо Антиќ.

Критичкиот став на Антиќ не мина незабележано во МКФ, одкаде експресно одговорија, а соопштението е објавено на официјалната интернет страница на федерацијата.

„Македонската кошаркарска федерација се чувствува повикана да одговори во името на вистината и на начинот на постапката за избор на најдобрите во Мак баскетот во 2015 година. За изборот на најдобрите Македонската кошаркарска федерација  испрати барање до сите клубови, новинари и спортски работници со три празни линии  во секоја од 13-те категории, на кои  истите требаше сами да се изјаснат и да го напишат својот избор, а потоа МКФ само ги собра вкупните добиени гасови и на тој начин дојде до конечниот резулат и до победникот во секоја од 13 -те категории. Со  ова само сакаме да ја запознаеме македонската јавноста со начинот на гласање и избор на најдобрите во нашата кошарка, за да некој обичен и небитен поединец  не би пишувал невистини, навреди и манипупации, бидејќи истиот поединец очигледо не е посветен на својата професија и на работата која ја работи, туку е посветен на други активности, па дури и политички , а нема капацитет за такво нешто. Во статусот напишан на социјалните мрежи,  навредениот спортист самиот  потврдува дека изборот на новинарите  и спортските работници бил вистински и бил донесен врз основа на целосната посветеност  на македонската кошарка, и репрезентација во било кое време, а не врз основа на сопствени евтини маркетинг трикови. За кои што постојано имаше негативни реакции од јавноста кон истите,  поради таквите изјави и неговиот однос кон Мак баскетот.  Ова е нашиот одговор на сите сегашни  и идни коментари“. крај/мф/нц

Извор: Макфакс