Регион
Турската полиција спречи одржување опозициски конгрес
Турската полиција спречи во неделата дисиденти на десно ориентираната опозиција да се соберат за да го соборат својот челник Девлет Бахчели по поразите на партијата последните години.
Дисидентите од Партијата на националната акција (MHP) планираа да се состанат во еден хотел во Анкара, но наидоа на полициски барикади и водени топови, пренесуваат медиумите. Четворицата предводници на дисидентите, меѓу нив и поранешниот министер за внатрешни работи Мерал Аксенер, пристигнаа со ист автомобил за да го демонстрираат своето единство, пренесува AFP
Дисидентите покренаа кампања за смена на 68-годишниот Бахчели по поразот на партијата на парламентарните избори во ноември, кога партијата загуби половина од своето гласачко место и доби 40 мандати во парламентот со 550 пратеници, наспроти 80 пратеници на претходните месеци одржани пет месеци порано.
Бахчели, кој е на чело на MHP 19 години, изјави во јануари дека следниот конгрес на партијата ќе биде одржан дури во 2018 година, со што најави дека на чело ќе остане до тогаш. Меѓутоа, 500 членови на оваа партија потпишаа петиција со којашто бараат вонреден конгрес поради промена на раководството.
„Никој нема причина за задоволство. Последниот збор го има конгресот на партијата, а не шефовите“, изјавила четворицата дисиденти во заедничката изјава пред полициските барикади. Членовите на партијата со развеани турски национални знамиња се собраа во близина на хотелот скандирајќи „Бахчели, оставка!“.
Промената на водството би можело на партијата да ѝ донесе гласови на младите гласачи, на штета на владејачката Партија на правото и развојот (AKP) на претседателот Реџеп Тајип Ердоган. MHP, инаку, се противи на секакви мировни преговори меѓу владата и забранетата Работничка партија на Курдистан (PKK)./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.