Црна хроника
Ограбени обложувалница и бензинска пумпа во скопско

Ограбени обложувалница во Скопје и бензинска пумпа помеѓу Ченто и Арачиново.
Спортската обложувалница била ограбена во петокот вечерта околу 22 часот на улица „Тале Христов“ во Скопје. Непознат маскиран и вооружен сторител украл околу 200.000 денари, а од еден од присутните гости одзел мобилен телефон, по што побегнал од местото на настанот.
Грабежот на бензинската пумпа се случил ноќеска во 2.20 часот кога непознат маскиран и вооружен сторител извршил разбојништво врз една вработена. Сторителот, со закана со пиштол, од касата и од службената торбичка на вработената одзел засега неутврдена сума на пари по што го напуштил местото на настанот. Се преземаат мерки за расчистување на кражбите./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Избодени малолетници на Бит Пазар

Денеска во 01.40 часот во СВР Скопје, Б.А.(38) од Скопје пријавил дека на 10.06.2025 околу 22.50 часот на подрачјето на Бит Пазар, неговиот малолетен син бил физички нападнат од неколку малолетници, кои ги познавал, од кои едниот од нив употребил остар предмет и му нанел повреда.
Според пријавеното, подоцна малолетниците им упатувале закани на двајцата, при што истиот малолетник нанел повреда со остар предмет и на Б.А..
Се преземаат мерки за расчистување на случајот.
Црна хроника
Скопјанка измамена за сума од над 200.000 денари: и кажале дека ќерка и прегазила дете во странство

Вчера во 14.30 часот во СВР Скопје, 88-годишна жена од Скопје пријавила дека истиот ден била измамена од едно лице за сума од околу 232.000 денари.
Според пријавеното, машко лице ѝ се јавило телефонски и ѝ кажало дека нејзината ќерка предизвикала сообраќајна несреќа во странска земја во која прегазила дете и доколку не сака таа да лежи во затвор требало да плати. Како што е пријавено, тие се договориле, по што таа му ги дала парите. Се преземаат мерки за расчистување на случајот.
Црна хроника
Гостиварка останала без летување во Грција: лажна агентка и ги украла парите

Надворешната канцеларија за криминалистички работи Гостивар поднесе кривична пријава против А.Ј.(23) од Богданци поради постоење основи на сомнение за сторено кривично дело „измама“.
На 19.08.2024, преку социјална мрежа, пријавената контактирала со 42-годишна жена од Гостивар и лажно се претставила како агент за издавање на апартмани за летување во Република Грција, при што ѝ побарала износ од 17.250 денари за седум ноќевања, кои оштетената ѝ ги уплатила на сметка без договор за закуп, а летувањето не го реализирала.