Свет
Видео порака на Ал Каеда по повод 11 септември
Терористичката мрежа Ал Каеда на интернет постави видео снимка по повод 10-годишнината од нападот врз САД со фотографии од поранешниот водач Осама бин Ладен и со порака на неговиот наследник, Египќанецот Ајман
Терористичката мрежа Ал Каеда на интернет постави видео снимка по повод 10-годишнината од нападот врз САД со фотографии од поранешниот водач Осама бин Ладен и со порака на неговиот наследник, Египќанецот Ајман ал-Завахири, соопшти американскиот центар за надгледување на исламистичките сајтови SITE.
Овој видео материјал, наречен „Во пресрет на извесната победа“, во 62 минути содржи аудио снимка на говорот на Завахири кој го наследи бин Ладен, убиен во мај во Пакистан.
„Ал Каеда ја поддржува арапската ревоулуција и се надева дека таа ќе доведе до автентичен ислам и влади засновани на шеријатот, и исламскот закон“, вели на снимката Завахири.
Тој смета дека тие народни револуции се еден вид пораз за САД. Дел од видео снимката содржи порака на бин Ладен која ја пронајдоа американските специјалци при нападот на куќата во која се криеше, северно од пакистанската престолнина Исламабад. Вашингтон веќе ја прикажа таа снимка, но без тон.
Во неделата се навршија десет години од терористичките напади врз Светскиот трговски центар во Њујорк и зградата на Пентагон во Вашингтон, во кој загинаа 2.752 лица.
Обвинувајќи го за нападите, Осама бин Ладен, водачот на исламските екстремисти кој се криеше во Авганистан, за организирање на нападите, САД на 7 октомври го започнаа бомбардирањето на Авганистан./крај/б/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.