Спорт
Меси едноставно најдобар
Аргентинецот Лионел Меси, трет пат, во последните три години, ја освои престижната награда „Златна топка“, која ФИФА му ја доделува на најдобриот светски играч.
Аргентинецот Лионел Меси, трет пат, во последните три години, ја освои престижната награда „Златна топка“, која ФИФА му ја доделува на најдобриот светски играч. На гала вечерта која ФИФА ја организира во Цирих, Меси до признанието стигна освојувајќи 47,88 отсто од гласовите. Зад Аргентинецот се пласираа Кристијано Роналдо и неговиот соиграч од Барселона Чави Ернандез. „Ова за мене е посебно признание и овој личен успех сакам да го споделам со клупскиот колега Чави и со сите оние кои ми помогнаа ова да го постигнам“, рече Меси за време на доделувањето на наградите.Напаѓачот на Барселона во 2011 година ги освои Лигата на шампиони, домашното првенство, шпанскиот Суперкуп, Суперкупот на Европа и Светското првенство за клубови. Меси, воедно, стана првиот играч по Мишел Платини, кој три пати по ред ја освојува „Златната топка“. Сепак, подвигот на Меси е поголем од оној на Платини, бидејќи тој истиот го оствари со само 24 години. Три пати, но не последовно, наградата ја освојувале Холанѓаните Јохан Кројф и Марко ван Бастен. Претходно, тренерот на Меси, Пеп Гвардиола беше избран за стратег на годината, додека наградата за најдобар гол, која го носи името на Ференц Пушкаш, му припадна на Бразилецот Нејмар. Дека Меси и Барселона доминираа на доделувањето на наградите потврдува и изборот на идеалниот тим на светот за 2011 година, во него има петмина играчи на Барса. ФИФА тим на светот 2011:Касиљас (Реал Мадрид) – Дани Алвеш (Барселона), Пике (Барселона), Рамос (Реал Мадрид), Видиќ (Манчестер Јунајтед) – Иниеста (Барселона), Чаби Алонсо (Реал Мадрид), Чави (Барселона) – Руни (Манчестер Јунајтед), Кристијано Роналдо (Реал Мадрид), Лионел Меси (Барселона). крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
30 години од смртта на Аиртон Сена
На денешен ден пред 30 години животот го загуби легендарниот Аиртон Сена на трката за Големата награда на Сан Марино во Формула 1. Сена, еден од најдобрите возачи во историјата на Формула 1, ако не и најдобар, почина на 34. годишна возраст откако ја изгуби контролата над својот болид и со брзина од 305 км/ч удри во ѕидот на свиокот Тамбурело на патеката „Енцо и Дино Ферари“ во Имола.
Легендарниот Бразилец победи на 41 трка во кариерата, освои три шампионски титули и остана запаметен како крал на квалификациите и најдобар возач на дожд на сите времиња.
На погребот на Сена присуствуваа повеќе од милион луѓе, а многу повеќе излегоа на улиците да му оддадат почит на Бразилецот.
„Господ долго време ја држеше рака над Формула 1. Овој викенд ја тргна“, коментираше легендарниот Ники Лауда во моментот на смртта на Сена.
За време на квалификациите за истата трка, само еден ден претходно, почина младиот австриски возач Роланд Расцрбергер, што беше прва смрт во Ф1 по речиси 12 години.
Сена не ја прифати добро смртта на Австриецот, на која потсети лекарскиот делегат Сид Воткинс, кој му рекол на Бразилецот да не се натпреварува на Имола.
„Аиртон полуде. Пред тоа немаше видено смрт на патеките. Во претходните 12 години имаше многу инциденти, многу повреди, но никој не загина“, рекол Воткинс, откривајќи што му рекол Сена кога го молел да не се трка и да замината на риболов“.
„Има одредени работи кои не можеме да ги контролираме. Не смеам да се откажам, морам да продолжам“.
Сена ја започна трката во пол-позицијата, а трката започна со безбедносно возило откако Педро Лами удри во болидот на Џеј Џеј Лехто.
Веќе во вториот круг по рестартот на трката, Сена со својот Вилијамс во кривината Тамбурело удри во бетонскиот ѕид.
Бразилецот беше пренесен во болница, а трката продолжи 37 минути по судирот и победи Михаел Шумахер.
Два и пол часа подоцна беше објавено дека Сена починал.
Тоа беше само трета трка на Сена во Вилијамс откако го напушти Мекларен, и многу се пишуваше за тоа неделно попладне, но само едно е сигурно.
Смртта на Сена целосно ја промени Формула 1: беа воведени многу поригорозни безбедносни проверки и се промени историјата на овој спорт.
Спорт
(Видео) Јанакопулос на српски го пцуе судијата
Контроверзниот сопственик на Панатинаикос, Димитрис Јанакопулос, повторно се најде во центарот на вниманиетот поради своето некулторно однесување.
Панатинаикос, синоќа, во драматичен натпревар во Белград загуби од Макаби со 83:85. Макаби поведе во четвртфиналната серија со 2:1 и во четврток може да обезбеди пласман на завршниот турнир.
Виниовни за поразот според Јанакопулос се судиите. За една одлука клубот вложи жалба и бара натпреварот да биде поништен.
Во текот на натпреварот во салата „Александар Николиќ“ постојано им дофрлаше на судиите од првиот ред.
А по мечот го опцу, судијата Лука Кардума.
Покрај него, правдата ја делеа и Сретен Радовиќ и Емин Могулкоч.
— OvoOno (@OvoOnoX) April 30, 2024
Спорт
Белгија без Куртоа на ЕУРО 2024
Белгискиот голман Тибо Куртоа ќе го пропушти претстојното Европско првенство во Германија поради повреда на лигаментите на коленото.
Куртоа ја пропушти целата сезона и му требаше уште една операција во март кога се појавија проблеми во неговото закрепнување.
Тој би можел да се врати на терените во тимот на Реал Мадрид пред крајот на сезоната, но селекторот на Белгија, Доменико Тедеско го отпиша од тимот, објави Би-би-си.
Куртоа, кој досега одигра 102 натпревари за Белгија, во декември изјави дека нема целосно да се опорави за да игра во натпреварувањето во Германија.
„На оваа тема веќе се е кажано. Се концентрираме на играчи кои се во добра форма – изјави Тедеско за германските медиуми.
Тренерот на Реал Мадрид, Карло Анчелоти изјави дека се надева дека Куртоа ќе се врати на теренот за саботниот натпревар од Ла Лига против Кадиз.