Свет
За робови нема одмори
Дури и во фирми со звучни имиња, на вработените не им се даваат решенија за годишен одмор, па тие не знаат ни колку денови им следуваат, ниту како може да ги искористат, а казни за газдите и директорите нема, иако законски на сите вработени им следув
ГАЗДИТЕ НЕКАЗНЕТО ГИ КРШАТ РАБОТНИЧКИТЕ ПРАВА
Дури и во фирми со звучни имиња, на вработените не им се даваат решенија за годишен одмор, па тие не знаат ни колку денови им следуваат, ниту како може да ги искористат, а казни за газдите и директорите нема, иако законски на сите вработени им следув
Газдите на големи приватни фирми во Македонија, не ги пуштаат вработените на годишен одмор или им даваат намален број денови и ги кршат работничките права загарантирани со Законот за работни односи. Меѓу нив се и големи компании со звучни имиња кои беа промовирани како значајни странски инвестиции. Во капиталистичка Македонија кога се во прашање одморите, работниците се третираат како робови. На робовладелите им се крева косата на главата кога ќе слушнат дека некој работник сака да оди на одмор. Им се закануваат дека ќе им ја намалат платата, или дека ќе ги избркаат од работа.
Државата нема создаденомеханизам за заштита на вработените и нивните права на гарантиран неплатен годишен одмор. Казните се симболични.
Вработените од синџир супермаркети кои од разбирливи причини сакаа да останат анонимни велат дека нивните газди им дозволуваат да одмараат, но само 10 дена во годината. "Како одмор ни ги сметаат и викендите и празниците. Некогаш ни наложуваат да земеме само два-три дена одмор, со образложение дека фирмата е преблокирана од работа, па ако само еден вработен отсуствува ќе се создаде хаос", тврдат неколку лица кои се вработени на касите во супермаркетите.
Слично е и во угостителската и прозиводствената дејност. Одмор по ќеф на газдата или директорот добиваат текстилците, но и вработени во други фабрики.
Вработените велат дека се исплашени од заканите на претпоставените дека ќе останат без работа па цела година година си остануваат без одмор. Газдите никој не ги казнува, велат тие, оти трудовата инспекција ваквите случаи ги контролира исклучиво по пријави, а нас ни став да повикаме инспектори.
Насер Амети, директор на Државниот трудов инспекторат вели дека секоја година по завршувањето на летните одмори во трудовата инспекција добиваат пријави од вработени чии газди не им дозволиле да се одмараат. "Лани имавме 63 преставки што се однесуваа на работното време , на одморите и отсуствата од работа. Годинава се уште немаме пријави бидејќи е уште рано. Вработените до крајот на јуни ќе ги користат старите одмори", ни рече вчера Амети.
Но, според Амети газдите кои лани биле пријавени поминале неказнети. Ако инспекторите утврдат кршење на Законот за работи односи, вели тој, тогаш пишуваме прекршочни пријави. Во повеќето случаи можело да се реагира навреме и газдите биле само предупредени дека имаат обврска вработените да ги пуштаат на одмор вработените.
Тој вели дека за годишните одмори не можат да прават редовни контроли, бидејќи инспекторите не можат да влезат во секоја фирма во Македонија. Обично, вели Амети, дали вработените користеле одмор проверуваме при контролите за вработување што ги правиме во фирмите. Тогаш инспекторите покрај други документи бараат и решение за одмор кое мора да е потпишано од вработениот. Во повеќето фирми на вработените не им се дава решение за годишен одмор, па не знаат ни колку денови им следуваат, ниту како може да ги искористат. Одморот зависи од желбата и личната проценка на работодавачот.
Според законот за работни односи сите вработени во државава имаат право на годишен одмор и никој не може да им го ускрати. Во Законот стои дека работникот има право на годишен одмор во трање од 20 до 26 дена, кој работникот може да ги искористи во два дела во текот на календарската година. Првиот дел од одморот не смее да биде пократок од 12 дена.
И.Смиљанска
***
Пријавете ги анонимно газдите на 02 3296 310
Фирмите кои не ги пуштаат вработените на одмор, не даваат решенија за одмор, или им даваат помалку денови, вработените може да ги пријават на телефонскиот број 02 3296 310 во Државниот трудов инспекторат, секој работен ден од 8 до 16 часот. За да се заштитат работниците тие не треба да го кажат своето име и презиме туку само името на фирмата во која работат.
Инспекторите од Трудовата инспекција велат дека може да се напише и писмена пријава, но во неа мора да се напише името на вработениот.
***
Јакимовски: Одморот е законско право
Министерот за труд и социјална политика Стевчо Јакимовски вчера ги повика вработените да ги пријавуваат прекршоците на газдите во Државниот трудов инспекторат. Тој вели дека годишниот платен одмор е законско право на секој вработен во Македонија и газдите мора да го почитуваат.
"Затоа е добро, вработените да бидат организирани во синдикати, кои ќе реагираат за секое кршење на работничките права", вели министерот Јакимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бил Гејтс го обвини Маск за убиство на најсиромашните деца во светот
Милијардерот Бил Гејтс го засили својот конфликт со Илон Маск, обвинувајќи го најбогатиот човек во светот за „убивање на најсиромашните деца во светот“ со мерки што ги нарече погрешно насочени намалувања на американската помош за развој, пишува денес „Фајненшл тајмс“.
Коосновачот на „Мајкрософт“, кој најави интензивирање на својата филантропска работа во следните 20 години и затворање на неговата Фондација „Гејтс“ во 2045 година, во едно интервју изјави дека шефот на „Тесла“ се водел од незнаење при дизајнирањето на намалувањата.
Во февруари, Одделот за владина ефикасност на Маск, попознат како DOGE, ефикасно ја затвори Агенцијата на Соединетите Американски Држави за меѓународен развој (USAID), главната федерална институција за доделување американска помош, објавувајќи дека „време е за умирање“.
Гејтс процени дека ненадејните намалувања доведоа до тоа храната и лековите потребни за спасување на човечки животи да го изгубат својот интегритет и употребливост таму каде што се складирани, а може да доведат и до појава на заразни болести како што се сипаници, ХИВ и детска парализа.
„Сликата за најбогатиот човек во светот како ја убива најсиромашната земја во светот не е убава“, рече Гејтс, кој некогаш самиот беше најбогатиот човек во светот.
Гејтс рече дека Маск ја откажал помошта за болница во Мозамбик, која имала за цел да го спречи ширењето на вирусот ХИВ од мајките на нивните деца, и сето тоа со погрешно верување дека САД снабдуваат кондоми за Хамас во Појасот Газа на Блискиот Исток.
„Сакам сега да оди и да се сретне со тие деца кои добија ХИВ, бидејќи им ги прекина парите“, рече Гејтс.
Овој 69-годишен филантроп вчера објави план да го даде буквално целото свое богатство во текот на следните 20 години, во кои периоди, според неговата идеја, Фондацијата Гејтс ќе потроши повеќе од 200 милијарди долари за глобално здравство, развој и образование. Во изминатите 25 години, фондацијата издвои околу 100 милијарди долари за оваа намена.
Фондацијата ќе биде затворена во 2045 година, неколку децении порано од планираниот датум.
Според Гејтс, причината за забрзаната испорака е да се постигне максимален ефект со потенцијал да се пронајдат средства за дефинитивно справување со заразни болести како што се детската парализа и ХИВ.
Свет
„Ако Путин не се согласи, ние ќе бидеме подготвени“: Макрон за прекинот на огнот меѓу Русија и Украина
Францускиот претседател Емануел Макрон објави дека синоќа разговарал со американскиот претседател Доналд Трамп за прекинот на огнот во Украина.
Макрон рече дека го поздравува јасниот повик на Трамп за безусловно примирје од 30 дена. Тој рече дека овој повик бил поддржан од британските и нордиските партнери во петокот наутро.
Францускиот претседател нагласи дека сите сега мора веднаш да работат на постигнување прекин на огнот – „без одложување“.
„Украина се согласи на ова примирје пред речиси два месеци. Сега очекувам и Русија да го стори истото. Во спротивно, ќе бидеме подготвени решително да одговориме, заедно со сите Европејци и во тесна координација со Соединетите Американски Држави“, напиша францускиот претседател.
Во петокот, германскиот канцелар Фридрих Мерц ѝ се закани на Русија со нови санкции доколку не се согласи на трајно примирје во Украина и мировни преговори.
Мерц, исто така, имаше телефонски разговор со американскиот претседател Доналд Трамп. Германскиот канцелар изјави дека изразил поддршка за планот на Трамп за 30-дневен прекин на огнот во Украина.
Трамп, по разговорот со украинскиот претседател Володимир Зеленски на 8 мај, изјави дека би сакал 30-дневно безусловно примирје и повторно ја спомена можноста за нови санкции против Русија.
Свет
Руте: „НАТО не вети дека членството на Украина ќе биде загарантирано“
Генералниот секретар на НАТО, Марк Руте, денес изјави дека Алијансата не ветила дека членството на Украина во таа организација ќе биде загарантирано со мировен договор со Русија.
„Сите во НАТО се согласија дека патот на Украина кон НАТО ќе биде неповратен. Но, никогаш не се согласивме дека членството на Украина во НАТО ќе биде загарантирано во рамките на мировниот договор. Но, на долг рок, НАТО изјави дека ќе постои оваа перспектива за членство во НАТО. Ова е на долг рок, а не за мировните преговори што се во тек“, нагласи Руте.
Претходно, германскиот канцелар Фридрих Мерц изјави дека Украина треба да биде суверена држава кога станува збор за донесување одлуки за политички и воени сојузи, како и дека земјата треба да се приклучи на ЕУ, пренесува „Униан“.
Тој според написите проценил дека пристапувањето на Украина во ЕУ ќе се случи пред членството во НАТО.
Уапсен битолчанецот кој со нож се закануваше на маж на “Широк сокак”
Денеска на ул. “Св.Кирил и Методиј” во Битола полициски службеници го лишија од слобода М.Ш.(36) од Битола. Тој претходно, пред...
Полскиот премиер: „Срамно е да се биде на парада во Москва и да му се аплаудира на Путин“
Полскиот премиер Доналд Туск изјави дека сите што присуствувале на воената парада во Москва на Денот на победата се посрамотија....
Измами со превозот на ученици – пријава против ексдиректорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
