Спорт
Лацио се поправа
Фудбалерите на римски Лацио и Удинезе стигнаа до значајни победи на гости во 25-то коло од Серија А
По серијата резултатски осцилации, Лацио со победата од 2:0 над Бреша успеа да го држи чекорот со водечките на табелата. Со оваа победа привремено се искачи на третото место минувајќи го Интер. Стрелци за „бјанкочелестите“ во мрежата на Бреша која се бори за опстанок во Серија А, беа Гонзалес во 17. и Козак во 58. минута.Исто како и Лацио, и Удинезе во неделата ја забележа петтата победа во гости. Овојпат со 3:0 е совладана Чезена, која исто како и противникот на Лацио – Бреша се наоѓа на претпоследното место од табелата и до крај полека ги губи надежите за опстанок. Сега Удинезе се искачи на петтото место и ќе се бори за четвртата позиција во Серија А која води во Лигата на шампионите. Херој на мечот кај Удинезе беше повторно 33-годишниот ветеран Антонио Динатале кој постигна два гола, во 41. и 75. минута, додека третиот го посигна Инлер во 70. минута. Динатале сега има два гола помалку од водечкиот на листата на стрелците во италијанското првенство, уругвајскиот голгетер на Наполи – Единсон Кавани кој постигна 20 погодоци.Гостинска победа во ова коло постигна и Фиорентина, која на гостувањето на Сицилија го совлада Палермо со 4:2, иако на само 20 минути пред крајот на мечот домашните водеа со 2:1. Возбудливиот меч започна со голот за домашните што го постигна Пасторе во 7. минута, а гостите изедначија преку Џиралдино во 36. минута. Сицилијанците повторно на почетокот од второто полувреме дојдоа во водство преку Ночерино во 48. минута, но Фиорентина направи пресврт почнувајќи од изедначувањето постигнато преку Кампорезе во 70. минута, а потоа до трите бода дојде со автоголот на Бово во 78 и погодокот на Монтоволио во 88. минута.Според се’ судејќи, овој кикс на домашен терен ќе го чини Палермо можност за борба за излез во Лигата на шампионите, затоа што сега аостанува зад конкурентите Интер и Удинезе, четири односно три бода. Фиорентина, пак, со победата се зацврсти на средината од табелата и е 10-та со 32 бода.Опишаниот Бари ремизираше на домашен терен со Џенова без голови. Ова беше шесто реми за Бари, кој освен трите победи забележа и 16 порази Џенова е 14-та со 29 бодови и меч помалку од конкурентите кои се трудат да ја избегнат опасната зона. Во дербито од средината на табелата, Каљари високо со 4:1 го совлада Киево. Стрелци беа Конти во 19., Канини во 29. и Нене во 44 и 71. минута за домашните, додека гостите почесниот погодок го постигнаа во 84. минута преку Теро. Каљари сега е 9-ти со 35 бодови, додека Киево остана на 11-та позиција со 31 бод. Катаниа и Лече одиграа фантастично второ полувреме полно со пресврти. Домашните заминаа на полувреме со предност откако во втората минута од судиското продолжение погоди Силвестре, но гостите направија пресврт преку Џеда во 56. минута и Мунари во 61. минута. Среќен ден за Катаниа имаше Лоди кој со голвоите постигнати во 80. и 85. минута направи уште еден пресврт на мечот и донесе важни три бода за домашните, бидејќи со оваа победа Катанија го мина Лече на табелата во зоната која е во опасност од испаѓање од лигата и сега има два бода предност. Катанија имено е 16-та а Лече е на 17-то место.Сампдорија го реши победникот уште во првите 15 минути од мечот со Болоња кога погодија Паломбо во 8., Касталдељо во 11. и Макароне во 15. минута, по што гостите преку Папони во 65. минута успеаја само да намалат на 3:1. Сампдорија и Болоња се во групата екипи кои засега се релативно на безбедна оддалеченост од опасните места, Сампдорија е 2-та с 30 бодови, додека Болоња е 14-та со бод помалку.Вечерва се игра дербито на 25-то коло, во кое Јувентус кој минатото коло по три неуспеха оствари победа го пречекува забревтаниот Интер кој пет кола во серија е непоразен и има шанса со победа да се врат на третото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гатузо: Италија мора да се пласира на Мундијалот
Новиот селектор на италијанската фудбалска репрезентација, Џенаро Гатузо, денес ја имаше официјалната промоција. Гатузо изјави дека тимот има сè што е потребно за да се квалификува за Светското првенство во 2026 година. Гатузо функцијата ја презеде од Лучано Спалети.
„Дресот на репрезентацијата е тежок, но зборот „страв“ не смее да постои. Имаме тим кој е доволно добар за да се квалификува за Светското првенство. Треба да го вратиме ентузијазмот и желбата да бидеме обединети во тешки моменти. Имам јасна претстава што треба да направиме, мора да го вратиме ентузијазмот и да не размислуваме негативно“, рече Гатузо на прес-конференцијата каде што беше претставен како нов селектор на Италија, објави АНСА.
Гатузо го замени Лујан Спалети на клупата, кој ја напушти репрезентацијата по лошиот почеток на квалификациите за Светското првенство во 2026 година. Во првото коло, Италија загуби од Норвешка со 0:3, а во второто ја победи Молдавија со 2:0. Со оглед на тоа колку добро изгледаат Норвежаните во овој квалификациски циклус, Италија веројатно повторно ќе игра во баражот за пласман на СП. Претходните два баражи за оваа селекција беа кошмарни.
„Кој и да дојде во тренинг центарот во Коверчано, мора да има ентузијазам. Најважно е тимот да биде семејство. Техниката и тактиката доаѓаат подоцна, мора повторно да бидеме тим“, рече 47-годишниот тренер.
Задачата на Гатузо е да го предводи тимот до Светското првенство во САД, Канада и Мексико, откако репрезентацијата ги пропушти претходните две светски првенства во Русија и Катар.
„Враќањето на Светското првенство е фундаментално за нашето фудбалско движење. Пред мене е тешка работа, но ништо во животот не е лесно. Често слушам луѓе како велат дека нашиот фудбал нема талент, но играчите се тука, мора да ги ставиме во услови да го дадат својот максимум“, рече Гатузо.
Поранешниот италијански репрезентативец, со кого го освои Светското првенство во 2006 година, рече дека преземањето на репрезентацијата е сон што се остварува и дека ќе зборува помалку, а ќе работи повеќе.
Гатузо го напушти Хајдук од Сплит на крајот од сезоната, една година пред истекот на неговиот договор, откако доживеа дебакл и заврши на третото место во хрватското првенство. Меѓу другите, како тренер ги водеше и Пиза, Милан, Наполи, Валенсија, Олимпик Марсеј и го освои Купот со Наполи во сезоната 2019/2020.
Спорт
(Видео) ФИФА им изрече жестоки казни на играчите на Бока
Дуелот помеѓу Бока јуниорс и Бенфика, покрај ремито до кое Португалците стигнаа по дефицит од два гола, беше обележан и со три црвени картони. Како што се очекуваше, Андер Ерера доби строга казна. Казната што му беше изречена на Јорген Фигал е построга од очекуваното.
Ерера доби црвен картон надвор од теренот, кратко откако беше заменет поради повреда, поради напад врз судијата кој се приближи до БАР мониторот за да провери дали прекршокот направен во шеснаесетникот на Бока е доволен за пенал за Бенфика.
Обезбедувањето мораше да реагира и да го запре Ерера за да спречи физичка пресметка помеѓу него и судијата.
LO TUVIERON QUE AGARRAR 😯
El motivo por el que fue expulsado Ander Herrera #FIFACWC@FIFACWC | Todos los partidos gratis en https://t.co/yWCWbevPop #TakeItToTheWorld pic.twitter.com/ga7t4WcLr0
— DAZN Fútbol (@DAZNFutbol) June 16, 2025
Како што се очекуваше, поранешниот играч на Атлетик Билбао и Манчестер јунајтед, доби ригорозна казна. Ерера доби суспензија од четири натпревари.
Доколку не е повредата не сериозна тој нема да биде во составот на Бока до полуфиналето, во случај Бока да стигне до оваа фаза од натпреварувањето.
ФИФА, исто така, му изрече суспензија од четири натпревари на Фигал, кој прво доби жолт картон за невнимателниот старт, а потоа по проверка на ВАР, таа казна беше променета во исклучување.
Бока поднесе жалба за обете казни, а клубот се надева дека казната на Фигал ќе биде преполовена.
Спорт
Барселона на Ибица се договори со Нико Вилијамс
Нико Вилијамс (22) ќе игра за Барселона почнувајќи од следната сезона, тврдат највлијателните каталонски медиуми и најпознатиот фудбалски инсајдер Фабрицио Романо.
Конечниот договор меѓу двете страни „падна“ на Ибица, каде што Нико моментално одмара, а каде што претставниците на каталонскиот клуб, предводени од спортскиот директор Деко престојуваа во претходните денови.
Според Романо, тој дел од работата е завршен, како и финансискиот дел од договорот меѓу клубот и играчот, според кој Вилијамс би инкасирал помеѓу седум и осум милиони евра годишно.
Договорот би важел до 2031 година.
Интересно е што на блискиот остров Форментера (половина час со ферибот од Ибица), одмара и тренерот на Барса, Ханси Флик, таму има куќа, но не е познато дали лично се сретнал со фудбалерот и дали бил вклучен во преговорите.
Барселона на тој начин, од вториот обид, како што стојат работите ќе да го добие човекот кој направи чуда со Ламин Јамал на претходното Европско првенство и со „црвената фурија“ ја освои титулата.
Преговори меѓу двете страни имаше и минатото лето, но тогаш помладиот од браќата Вилијамс, реши уште една сезона да остане во Атлетик Билбао. Откупната клаузула во неговиот договор изнесува 60 милиони евра.
Вилијамс, по сопствено признание, се покајал за таа одлука, дури и му се јавил на Деко да му каже тоа. тврдат медумите.
(Видео) Тепачка меѓу советници во Општина Кочани
Советници денеска се степаа на седницата на Советот на Општина Кочани. Како што објави Радио Кочани на паузата настанал хаос...
(Видео) Мургашанска од СДСМ: Димитриевски ме тужи затоа што јавно го обелоденив неговиот криминал
Откога му ги откривме сите скандали на Максим Димитриевски, откога јавно проговоривме за сите сомнежи за коруптивни шеми со парцели...
Се закануваат оние што правеа упад и тепаа, вели Мицкоски по најавите за штрајк на контролорите на летање поради партиски вработувања
Партиските вработувања и трупањето несуштински кадри во услови кога нема доволно контролори на летање, според премиерот Христијан Мицкоски, не е...
По седум години, повторно се отвори етнокомплексот „Македонско село“
По седум години, денес се отвори етнокомплексот „Македонско село“. Премиерот Христијан Мицкоски рече дека Скопје добива уште едно туристичко место,...
Неексплодирана артилериска граната пронајдена кај Калишта, ДЗС апелира да не се поместуваат вакви убојни средства
Неексплодирано убојно средство од минатите војни е пронајдено кај село Калишта при изведба на градежни работи во близина на кампот...
Грција ќе екстрадира македонски државјанин, кој се сомничи за убиство на пензионер во Германија
Апелациониот суд во Солун даде „зелено светло“ за екстрадиција во Германија на македонски државјанин обвинет за грабеж, а потоа и...
Владата: Педесетина училишта ќе добијат фотоволтаични системи
Владата соопшти кај 50. училишта во Македонија ќе се постават фотоволтаични системи во текот на летниот период. Ова се случува...
Израел нападна ирански нуклеарен реактор
Израелската армија го нападна нуклеарниот реактор во Арак (т.н. тип на тешка вода), западно од Техеран, објавија иранските државни медиуми...
(Видео) Иран погоди болница во Израел со балистичка ракета
Болницата Сорока во Бершева на југот на Израел утринава соопшти дека зградата била погодена со проектил при ирански ракетен напад...
Инженерите повикаа да престане фактурирањето врз основа на измислена потрошувачка за струја: „Регулаторната ја штити ЕВН“
Здружението Инженери на Македонија повторно се огласи по претставката што ја поднесе на 29 мај кога во сила стапи новиот Закон...
ПРП терапијата за пациентите од пожарот во „Пулс“ е достапна во Кочани, нема да мора да патуваат до Скопје
Десет лица повредени во трагедијата во „Пулс“, за првпат во болницата во Кочани, биле третирани со ПРП терапија (плазма збогатена...
Сообраќајна расправија причина за бодењата со нож во Чаир, повредени тројца меѓу кои и малолетник
Скопското обвинителство победе постапка против 18-годишно момче за инцидентот што се случи синоќа во Чаир. Од тука информираа дека постапка...
Одбраната побара ослободителни пресуди за Кешишев, Манев, Видевски и Ѓорчевски за убиствата на Вања и Панче
Одбраната побара ослободителни пресуди за Влатко Кешишев, Велибор Манев, Боре Видевски и Александар Ѓорчевски за убиствата на Вања и Панче....
(Видео) Нов напад на Израел врз Иран
Израелската армија соопшти дека Техеран повторно е нападнат. Израелските одбранбени сили (ИДФ) објавија дека нивните воздушни сили напаѓаат воени цели...
Преспанци ќе добијат можност сами да предложат како да се уредат 30 локации на кои досега на диво трупаа ѓубре
Купишта ѓубре безмалку на секоја улица и силна смрдеа ги пречекуваат и оние малкумина туристи што ќе одлучат да ја...
Новиот министер за хаосот со паркингот на Клинички: Имаме идеи, сè уште немаме решение
Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени,...
Молк од државата за барањата за отстранување на новиот хотел на Горица, реагира „Фронт 21/42“
Законите не важат во Охридскиот Регион. Прекршувајќи го и Законот за постапување по претставките и предлозите, по претставката со која...
Од денес до петок – пороен дожд, грмежи и засилен ветер
Од денес до петок во попладневните и во вечерните часови ќе биде нестабилно со пороен дожд, грмежи и засилен ветер,...
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и за енергетската инфраструктура. Шефот...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
