Македонија
Спортисти и уметници ќе испратат „Манифест на македониумот“ до Филе
Група македонски уметници и спортисти реагира на неупотребата на придавката „македонски“ во извештајот на Европската комисија за напредокот на Македонија.
Група македонски уметници и спортисти реагира на неупотребата на придавката „македонски“ во извештајот на Европската комисија за напредокот на Македонија.
Лично на еврокомесарот за проширување, Штефан Филе ќе му достават „Манифест на македониумот“, односно апел, како што велат, за сопирање на негирањето и премолчувањето на македонското име, македонскиот јазик и македонската култура.
„Еден познат европски филозоф тврди дека човек не се раѓа во гинеколошко-акушерска клиника. Човекот се раѓа во својот јазик, вели големиот мислител Петер Слотејдирк. Ако е така, тогаш оние кои во своите извештаи со гумичка ни ја бришат придавката „македонски“ што стои крај нашиот јазик, ни го бришат раѓањето. Тие го оспоруваат својот сопствен филозоф“ се вели во дел од Манифестот.
„Ние не говориме дали извештајот на комисијата е позитивен или негативен, и да е негативен вие мора да го ословите оној кој што го критикувате и му упатувате негативна забелешка. Ние реагираме на тоа што е испуштено името. Нема поголемо понижување од испуштање на името. Ние реагираме на таа ситуација, не барајте други политички импликации, затоа што ние не сме никаква организација“ вели писателот и универзитетски професор, Венко Андоновски.
Тој ги повика сите нивни колеги да им се придружат во потпишувањето на овој манифест, во Дом на АРМ, салата „Борис Трајковски“ и Друштвото на писатели на Македонија.
Иницијативата за ваквиот Манифест доаѓа од селекторот на Македонската репрезентација Марин Докузовски, кој заедно со кошаркарите ја издигна Македонија на високото четврто место во Европа.
„На европското првенство во Литванија не само што направивме голем резултат, туку направивме и повеќе од тоа, илјадници пати се спомна името Македонија. Бевме горди што сме Македонци, сите гледаа во нас со голема почит и сега кога дојдовме тука кога се случи тоа негирање ми беше некако неприфатливо, малку разочарувачки за мене, мислев дека треба да реагираме“ рече Докузовски.
„Со години наназад се докажало дека требало нешто сто пати да ни се случи за да го кренеме гласот. И овој мирољубив народ токму поради тоа не го заслужува овој момент. Од друга страна овој момент на некаков начин ме радува, бидејќи мора да сме многу вредни и мора да е вредно ова мало парче земја на кое постоиме, штом толку многу се полемизира и се тепаат за нас. Нема да дозволиме да не уништат, ако молчиме одобруваме, а ако не молчиме тогаш значи дека постоиме“ изјави Калиопи Букле.
Потписници на манифестот, освен овие тројца спортисти и уметници, се и пијанистот Симон Трпчевски, пејачката Есма Реџепова, режисерот Дарко Митревски, оперскиот пејач Борис Трајанов, писателот Гоце Смилевски и ракометарката Индира Кастратовиќ. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Болката на СДС не е грижа за граѓаните, туку грижа што не можат веќе, како до сега, да крадат
Според ВМРО-ДПМНЕ, мерките на владата даваат резултати. Над 1000 производи, како што велат се продаваа со намалена цена.
„Помина времето како до сега, кога наместо за граѓаните, СДС единствено се грижеше за богатење на нивната елита. Болката на СДС не е грижата за граѓаните, нивната грижа единствено е што не можат, како до сега, да крадат. СДС се тие кои што го зголемија ДДВ на храната, што доведе и до зголемување на цените на производите“.
Како што соопштија од оваа партија, за разлика од СДС која се грижеше исклучиво за луѓето во своите високи партиски редови, владата предводена од ВМРО-ДПМНЕ води грижа за сите и посветено работи за подобрување на животниот стандард на граѓаните.
Тоа, според нив, ќе се постигне со досега преземените мерки за намалување на цените на производите, зголемувањето на платите и пензиите, како и со забрзаниот економски раст.
Откако за шест месеци се запре слободниот пад на економијата, најавуваат дека годинава ќе следи забрзан раст преку реализација на капитални инвестиции, зголемување на странските инвестиции, кои лани беа на историски највисоко ниво од околу милијарда евра.
Скопје
Субвенции за поправка на покриви на згради и замена на азбестни покриви на куќи во општина Карпош
Согласно Програмата за уредување на градежно земјиште за 2025 година, Општина Карпош денеска објави Јавен повик за доделување финансиска подршка за поправка и санација на кровни покривачи на станбени згради за колективно домување и замена на азбестни кровни покривачи на индивидуални станбени објекти (куќи), на своја територија.
Во таа насока, за колективните станбени објекти (зградите), локалната самоуправа ќе субвенционира најмногу до 50% но не повеќе од 350.000 денари од вкупниот износ на вредноста на поправка и санацијата на кровен покривач.
Додека пак за индивидуалните станбени објекти односно за куќите, Општина Карпош ќе субвенционира најмногу до 60%, но не повеќе од 120.000 денари од вкупниот износ на вредноста на замената на азбестниот кровен покривач.
Право на учество на Јавниот повик имаат сите оние коишто се регистрирани како Заедници на сопственици (ЗС) или со заедницата да управува правно лице – Управител (УСЗ) , согласно Законот за домување и сопственици на индивидуални станбени објекти (куќи) во Општина Карпош. Постапката за субвенционирање ќе се одвива во две фази од каде по комплетирање на документите од првата фаза, апликантот ќе добие писмено известување дека е потенцијален корисник на субвенцијата. Со самото тоа апликантот преминува во втората фаза што подразбира дека тој може да отпочне со замена на кровниот покривач.
Во овој случај, локалната самоуправа напоменува дека, доколку апликантот се одлучи да го промени стариот кровен покривач со користење на субвенција од Општина Карпош, истиот се обврзува да користи исклучиво бел или сив (силвер) лим за кровен покривач. Според условите од Јавниот повик, сите досегашни корисници на субвенција во изминатите јавни повици, објавени од страна на Општина Карпош, немаат право да учествуваат во јавниот повик за 2025 година.
Jавниот повик е отворен и трае до исцрпување на финансиските средства предвидени во Буџетот на Општина Карпош за 2025 година за предметната намена, по принципот „прв дојден-прв услужен“.
Пријавите се доставуваат во затворен и запечатен коверт, без означување на субјектот кој ја поднесува пријавата до Општина Карпош, преку пошта на адреса: ул. Радика бр.9 , 1000 Скопје, или во архивата на Општина Карпош, со назнака:
Јавен повик за доделување финансиска поддршка за поправка и санација на кровни покривачи на станбени згради за колективно домување и замена на азбестни кровни покривачи на индивидуални станбени објекти (куќи) во Општина Карпош.
Заинтересираните странки можат да добијат повеќе детали околу условите и потребната документација, на следниве линкови:
За дополнителни информации, граѓаните можат да се обратат на следниве телефонски броеви: 071/350-388 или 078/487-636.
Скопје
Субвенции за санација на постоечки и поставување на нови лифтови во зградите во Карпош
Согласно Програмата за уредување на градежно земјиште за 2025 година, Општина Карпош денеска објави Јавен повик за доделување на финансиска поддршка за поправка и санација на постоечки лифтови и поставување нови лифтови на станбени згради за колективно домување, на своја територија.
Во таа насока, локалната самоуправа ќе субвенционира најмногу до 50%, но не повеќе од 500.000 денари од вкупниот износ на вредноста на поправката и/или санацијата на постоечкиот лифт, како и за поставување на нов лифт.
Оттука, во постапката за поставување на нови лифтови, Заедницата на сопственици е должна да ја обезбеди целокупната потребна документација согласно позитивните законски прописи (проекти, одобренија и сл). Во случајов, Општината обезбедува парични средства за набавка на нов лифт, но не ги покрива и трошоците поврзани со градежните работи (отворање на окно за лифт, отстранување на градежниот отпад и слично).
Право на учество на јавниот повик имаат сите оние коишто се регистрирани како Заедници на сопственици (ЗС) или со заедницата да управува правно лице – Управител (УСЗ), согласно Законот за домување, а субвенциите ќе се доделуваат по принципот „прв дојден –прв услужен“, до исцрпување на финансиските средства за оваа намена.
Потенцијалните корисници на субвенциите треба целосно да ги исполнат условите и критериумите кои се пропишани во Јавниот повик, што значи дека станбените згради за колективно домување треба да бидат постари од 25 години. Исто така, Заедницата на сопственици/Управителот на станбените згради треба да достави Одлука од сопствениците на станбените единици, дека сопствениците на посебните делови се согласни да се изврши поправка и/или санација на постоечкиот лифт и/или поставување нов лифт. Покрај тоа, сопствениците на посебните делови треба да изразат согласност да учествуваат со сопствени средства за дел од вкупниот износ за поправка и/или санација на постоечки лифт и/или поставување нов лифт, (во прилог кон Одлуката да достават список со потписи од 50% плус 1 (еден) сопственик). Според условите на Јавниот повик, апликантите треба да приложат и имотен лист (не постар од шест месеци), со кој се докажува сопственоста. Во случајов, потребно е да се достави имотен лист за секој стан засебно, со кој ќе се потврди сопственоста на апликантите. Имотните листови да се достават во оригинал или нотарски заверена копија (за 50% плус еден сопственик).
Пријавите треба да се достават до Општина Карпош, преку пошта на адреса: ул. Радика бр.9 ,1000 Скопје, или во архивата на Општина Карпош, со назнака:
Јавен повик за доделување финансиска поддршка за поправка и санација на постоечки лифтови и поставување нови лифтови на станбени згради за колективното домување во Општина Карпош.
Заинтересираните странки можат да добијат повеќе детали околу условите и потребната документација, на следниве линкови:
За дополнителни информации, граѓаните можат да се обратат на следниве телефонски броеви: 071/350-388 или 076/299-175.
Новогодишната кошница беше успешна, оцени Министерството за економија
Денеска завршува акцијата „Новогодишна кошница“ која што беше креирана на предлог на бизнисот со поддршка на Министерството за економија и...
(Фото) Уапсен 30-годишен скопјанец: при претрес пронајдена дрога, пиштол, пари
Вчера во 19.30 часот во Скопје, на подрачјето на Центар, полициски службеници од Единицата за недозволена трговија при СВР Скопје...
Почина Александар Јовиќ
Утрово тажна вест ја потресе македонската јавност. На 51-годишна возраст почина македонски репрезентативец Александар Јовиќ. Александар Јовиќ е роден во...
ДУИ: Од првиот ден на мандатот Андоновска јасно ја покажува својата намера да го намали присуството на Албанците во ИЈЗ
Демократската унија за интеграција остро реагира на постапките на директорката на Институтот за јавно здравје, Марија Андоновска, која, како што...
Над половина метар снег на Попова Шапка и Маврово
Утрово најстудено било на Попова Шапка каде што се измерени -10 степени, -7 било во Маврови Анови и Крушево, -6...
(Видео) Градоначалничката на Лос Анџелес била на коктел во Гана кога избувнал пожарот во Палисадес
Како што ескалираше пожарот во Лос Анџелес на 7 јануари, градоначалничката Карен Бас се фотографираше на коктел-забава во амбасадата во...
Уапсен отповиканиот јужнокорејски претседател
Јужнокорејските власти денеска го уапсија отповиканиот претседател Јун Сук-Јол под обвинение за бунт, при што Јун рече дека се согласил...
Забрани за тешки товарни возила на неколку патни правци
Сообраќајот на државните патишта се одвива во зимски услови по влажни коловози со остатоци од кашест снег на коловозот по...
Советник на Путин: Мирот е можен само ако Русија добие пет украински региони
Близок советник на рускиот претседател Владимир Путин изјави дека и Украина и Молдавија би можеле да престанат да постојат како...
Огромен ракетен напад врз Украина, експлозии во милионскиот град
Во тек е масовен руски напад со крстосувачки ракети и беспилотни летала врз Украина. Прогласена е закана од воздушен напад...
Гаши за Даути: До денес не сум добил официјално известување за оставка од ниеден претседател на комисија
Како претседател на Собранието мојата главна одговорност е да ги почитувам и спроведувам Деловникот и неговите процедури, вели претседателот на...
(Видео) Пуштен во употреба патот Градско – Дреново, доцни оти една година биле повлечени и вработените и механизацијата на „Страбаг“
Со врнежи снег утрово свечено во употреба беше пуштен експресниот пат Градско-Дреново, долг 15,5 киломтери. За свеченоста, исто како и...
Комесарката за проширување на ЕУ: Нема да има геополитички попуст, процесот на проширување ќе продолжи да се заснова на заслуги
Агресивната војна против Украина отвори можност за проширување на Европската Унија, но нема да има геополитички попуст, процесот на проширување...
Покачување од 30 отсто на платите што почнуваат од 25.010 денари бараат вработените во неколку министерства, ќе штрајкуваат цела недела
Место на пауза, утрово, вработените од неколку министерства во 11 часот излегоа на получасовен штрајк пред Министерството за животна средина...
Автомобил специјално конструиран за криење стока: Царината заплени фалсификувани производи, парфеми, облека и обувки
Во соработка со МВР службата за мобилни скенери откри случај во кој автомобил со германски регистарски таблички бил специјално конструиран,...
Судијка од Велес обвинета за фалсификување службена исправа, обвинение и против сопружници – сопственици на синџир аптеки
Основното јавно обвинителство Кавадарци поднесе обвинение против судијка од Основниот суд во Велес, двајца сопружници – сопственици на синџир аптеки,...
СДСМ: На страна сме на работниците, власта да ги зголеми платите и да се потпишат колективните договори
СДСМ го разбира револтот на работниците во јавниот сектор и ги поддржува нивните барања за покачување на платите кои се...
СДС треба да се извини што го толерирале Груби, што не го спречиле кога имале шанса, велат од ВМРО-ДПМНЕ
„СДС и Филипче додека беа власт се им дозволија на коалициските партнери ДУИ. СДС и Филипче дозволија криминалот да царува...
Ердоган е лидер со најдолг стаж во модерна Турција: тој е во последниот мандат, освен ако има уставни амандмани или предвремени избори
Кандидатурата на турскиот претседател Реџеп Таип Ердоган за четврти мандат е „на дневен ред“ на владејачката Партија на правдата и...
(Видео) Монструозните пожари израмнија цели населби во Лос Анџелес, сега се очекува засилен ветер
Пожарникарите во Лос Анџелес се подготвуваат за силни ветришта во текот на ноќта, налети кои би можеле да разгорат два...
