Спорт
Ливерпул скршен во продолжението, Челзи пак не победи
Со голот на Аарон Ленон во втората минута од судиското надополнување Тотенхем го победи Ливерпул со 2:1 во 15-то коло од англиското фудбалско првенство, додека шампионот Челзи го избегна и третиот првенствен пораз по ред
Иако до победата дојдоа во последните мигови, „спарсите“ на својот „Вајт Харт Лејн“ беа подобриот противник и сосема заслужено ги освоија трите бода. Тотенхем како што покажува и статистиката во текот на мечот ја имаше доминацијата во поседот на топката, поголем број шанси и неискористен пенал при водството на Ливерпул.Тотенхем во вториот дел го направи целосниот пресврт, откако во првото полувреме „редсите“ дојдоа до предност преку Мартин Шкртел во 42. минута. Во 65. минута, Хрватот Лука Модриќ по левата страна направи брз пробив низ одбраната на Ливепрул, и кога сакаше да нафрли до Питер Крауч, топката го погоди Шкртел во ногата, така што тој стан адвоен стрелец, но во двете мрежи. Претходно во 59. минута беше досуден пенал за Тотенхем, на кој „редсите“ жестоко реагираа, но се чини неоправдано, на што откако шутираше Гарет Бејл, топката удри во без никаква потреба високо подигнатите раце на Давид Н’Гог, околу линијата од шеснаесетникот. Гостите сметаа дека прекршокот е направен надвор од казнетиот простор, но арбитерот Мартин Еткинсон покажа на белата точка. Сепак, Џермејн Дефо го промаши целиот гол, па домашните го чекаа изедначувањето што дојде по пет минути. Победата на Тотенхем дојде во 92. минута откако Крауч спушти до Аарон Ленон една висока топка кој одблизу пласираше крај Пепе Реина.Куриозитет е што ова беше трета победа на Тотенхем по ред на домашен терен и трета со ист резултат 2:1.Се’ уште актуелниот англиски шампион ја продолжува лошата серија и како да многу рано почнува да го губи здивот во трката по новата титула. Во неделата кај повратникот во Премиершип, Њукасл, лондонските „сини“ одиграа само 1:1 со што му дозволија на Манчестер јунајтед да побегне два бода напред и да се осами на врвот, додека сега Арсенал се изедначи со Челзи со 29 бодови.Сепак, ако е некаква утеха за навивачите на Челзи, тие успеаја да го избегнат и третиот последователен пораз во првенството. Домашните преку новиот англиски репрезентативец 21-годишниот Енди Карол поведоа уште во 6. минута. Всушност Алекс катасртофално додаде до својот голман Петр Чех, така што на Карол му остана само да ја подбутне топката во празната мрежа на Челзи, но како и да е тоа за него беше деветти првенствен гол сезонава. И покрај доминацијата и подобрата игра во продолжението од мечот, шампионот успеа само да изедначи преку Саломон Калу во 45. минута. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.