Свет
Патријархот Кирил се враќа во Москва со нови надежи

Рускиот патријарх Кирил вчера пристигнал на аеродромот Внуково во Русија, со што официјално завршила неговата десетдневна посета на Украина
Како што објави официјалниот сајт на РПЦ, при посетата патријархот ги посетил Киев, Донецката област, Крим и западните делови на државата. „Се случуваше дури, оние кои беа излегле со плакати против мене, кога ќе ме видеа, со плач да се поклонат, да ги склопат рацете и да побараат благослов“, раскажувал патријархот Кирил при вчерашната средба со новинарите.Посетата на Украина ја одбележаа многу политички интриги во однос на отвореното прашање дали да се создаде и посебна црква во Украина која ќе биде независна од Московската патријаршија.„Ќе се молам и ќе работам на тоа, Украина духовно да се обедини, да се помират противниците, антируското расположение никогаш да не достигне врв во Украина. Исто така ќе се заложам и антиукраинското расположение да не го достигне врвот во Русија“, рекол тој.Во руските медиуми беше забележителна и една информација која зборуваше дека патријархот Кирил може да стане граѓанин на Украина. „Ете пример за тоа како средствата за масовна комуникација поинаку ги интерпретираат информациите. При средбата со духовниот врв во Украина ме запрашаа дали би можел половина година да живеам во Русија, а другата половина во Украина. Јас одговорив дека патријархот е задолжен за сите места кои се под неговата јурисдикција и дека не сум обврзан да работам само од Москва. Додадов дека ако украинската власт е спремна да ми додели државјанство со можност да не го губам моето руско државјанство јас ќе прифатам. Но кога ми кажаа дека на политички план не стојат така работите, јас само запрашав дали за Патријархот неможе да се направи некаков исклучок“, рекол рускиот патријарх.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел денеска ги врати телата на 15 Палестинци во Газа

Израел денеска ги врати телата на 15 Палестинци во Газа, со што вкупниот број на вратени лица се искачи на 135, соопшти денеска Министерството за здравство на Појасот управуван од Хамас.
Според договорот за прекин на огнот постигнат со посредство на американскиот претседател Доналд Трамп, Израел требаше да ги врати телата на 15 Палестинци за секој вратен починат израелски заложник, објави „Тајмс оф Израел“.
Претходно денеска, канцеларијата на израелскиот премиер Бенјамин Нетанјаху соопшти дека Хамас мора да го почитува договорот и да ги врати останките од преостанатите 18 убиени заложници кои сè уште се наоѓаат во Појасот Газа.
Израелската војска (ИДФ) претходно го информираше семејството на убиениот Елијаху Маргалит дека Хамас го вратил неговото тело во Израел синоќа.
ИДФ соопшти дека, според разузнавачките информации, Елијаху (75) бил убиен на 7 октомври 2023 година, а неговото тело подоцна било однесено во Појасот Газа од кибуцот Нир Оз.
Смртта на Елијаху Маргалит беше потврдена од израелската војска во декември 2023 година.
Свет
Милиони Американци би можеле да останат без купони за храна

Околу 42 милиони Американци би можеле да останат без купони за храна во ноември поради тековниот прекин на работата на федералната влада, предупреди министерката за земјоделство Брук Ролинс.
Програмата за дополнителна помош во исхраната (SNAP), позната и како купони за храна, е дел од клучната национална мрежа за безбедност на храната и обезбедува просечен месечен надомест од 188 долари по лице, пишува Си-Ен-Ен.
Ролинс рече дека средствата за програмата ќе бидат исцрпени во рок од две недели и ги обвини демократите за блокадата на финансирањето.
Свет
Десетици илјади евакуирани на Филипините, се приближува ураган

Десетици илјади луѓе на Филипините се евакуирани денеска од своите домови на брегот на Пацификот поради опасност од поплави во момент кога тропската бура „Феншен“ го зафати регионот, јавија светските агенции.
Бурата попладнево со брзина на ветрот до 80 км на час ја погоди општина Губат, на југоисточниот врв на главниот остров Лузон, соопшти државната метеоролошка служба.
Откако жителите беа евакуирани од крајбрежните и другите ризични области, локалните власти соопштија дека нема извештаи за сериозни штети или жртви.
„Имаше обилни дождови и силни налети на ветер, иако не толку силни“, изјави Рајан Естреладо, спасувач во Губат.
Ураганот вечер треба да помине во близина на островот Катандуанес, кој има население од 270.000 жители, со брзина на ветер до 90 км/ч. Се очекува „Феншен“ да се засили пред да стигне до копното по втор пат во централен Лузон, соопшти националната метеоролошка служба.