Претседателот на Палестинската национална администрација минатата седмица се сретнал со израелскиот министер за одбрана, Ехуд Барак, соопштија денеска палестински извори за Reuters.

Претседателот на Палестинската национална администрација минатата седмица се сретнал со израелскиот министер за одбрана, Ехуд Барак, соопштија денеска палестински извори за Reuters.Како што потсетува агенцијата, ова е првиот признаен пред јавноста состанок со функционер од владата на Израел во последната година, од страна на палестинскиот претседател Махмуд Абас. Абас на членовите на Револуционерниот совет на Фатах им рекол дека првиот човек на израелската одбрана Ехуд Барак, барал да се состанат во Јордан, за да разговараат за можноста за продолжување на преговорите кои пропаднаа пред една година, поради ширењето на еврејските населби на палестинските територии што ги контролира Израел. „На состанокот не беше постигнат никаков напредок“, изјави функционерот на Фатах за Reuters. Израелското министерство за одбрана, пак, немало коментар за споменатиот состанок меѓу Барак и Абас.Палестинскиот лидер Абас, откако мировните преговори со Тел Авив западнаа во криза и беа прекинати, ја објави намерата на 20-ти септември кога ќе се одржува Генералното собрание на Обединетите нации во Њујорк да побара признавање на државата Палестина.Во неделата раководството на Палестинската национална автономија (ПНА) потврди дека ќе поднесе барање до Советот за безбедност на ОН да ја признае државата Палестина и да стане членка на таа организација. Според оветникот на претседателот на ПНА, Саиб Орејикат овој чекор е преземен бидејќи „не е возможно да се добие полноправно членство во оваа организација (ОН) без негова (на Советот за безбедност) согласност.“ Меѓутоа, вчера Орејикат кој ги предводи преговорите во Палестинската ослободителна организација (ПЛО), ги негираше информациите во медиумите за постоење на американската иницијатива за продолжување на директни преговори меѓу Палестинците и Израел. Во март годинава, палестинскиот лидер Махмуд Абас, прво најави дека во септември ќе се обрати пред ОН со барање за признавање на независна палестинска држава во границите од 1967 година – во Западниот брег и појасот Газа со нејзин главен град во Источен Ерусалим. Оваа изјава предизвика остра реакција на Израел, САД и неколку западни земји, за кои тоа претставува едностран чекор и повикаа на продолжување на мировните преговори со Израел, прекинати во септември 2010 година поради нерешавањето на прашањето за подигањето на израелските населби на окупираните палестински територии. Израел одбива да се врати во границите од 1967 година, ја одбива поделбата на Ерусалим кој го прогласи за своја „вечна и неделива престолнина/крај/ро/мф/сн