Свет
Речиси 40 отсто од Европејците имаат ментални проблеми
Европејците сé почесто се жалат на невролошки и ментални пореметувања. Речиси 165 милиони луѓе или 38 отсто од европското население секоја година боледува од мозочни пореметувања, како што се депресија, мачнини, несоница или деменција, се наведува во новата голема студија.
Европејците сé почесто се жалат на невролошки и ментални пореметувања. Речиси 165 милиони луѓе или 38 отсто од европското население секоја година боледува од мозочни пореметувања, како што се депресија, мачнини, несоница или деменција, се наведува во новата голема студија. Во само третина од случаите болните ја добиваат потребната терапија или лекови и затоа менталните пореметувања стануваат голем стопански и социјален товар кој чини стотици милијарди евра., бидејќи болните толку лошо се чувствуваат што не можат да работата, а и личните врски им пропаѓаат. „Менталните пореметувања стануваат најголем европски здравствен предизвик во 21-от век“, наведоа авторите на студијата. Истовремено, некои од големите фармацевтски компании се откажуваат од вложувањата во истражувањата на работата на мозокот и неговото влијание врз однесувањето. Затоа товарот на финансирањето на неурозноста падна на владите и хуманитарните организации во здравството.Според Хан Урлих Витшен, директор на институтот за клиничка психологија и психотерапија на Универзитетот во Дрезден и водечкиот истражувач во споменатата европска студија, смета дека големиот расчекор во финансирањето на лекувањето на психичките проблеми кај населението мора да биде надминат.„Тој голем јаз мора да се затвори. И оние ретките кои се лекуваат, се лекуваат со задоцнување од неколку години, а многу ретко со најсовремената терапија“, вели Витшен. Витшен ја предводеше тригодишната истражувачка дејност со која беа опфатени 30 држави, 27 земји членки на Европската унија и Швајцарија, Исланд и норвешка, со вкупно население од 514 милиони луѓе. Но од студијата не може да се направи директна споредба на зачестеноста на менталните пореметувања во другите делови на светот, бидејќи различни студии употребуваат различни варијабилни параметри.Екипата на Витшен проучувала стотина болести, сите главни ментални пореметувања од тескобноста и депресијата до зависностите и шизофренијата, како и главните невролошки пореметувања како што се епилепсијата, Паркинсоновата болест и мултиплекс склероза. Резултатите од истражувањата во понеделникот ги објави Европската школа за невропсихофармакологија (ENCP), покажуваат дека менталните пореметувања се „изразено тежок товар“, изјави Витшен за медиумите во Лондон. Менталните заболувања се главниот проблем за смрт, инвалидитет и економското оптоварување во светот, a Светската здравствена организација (СЗО – WHO) предвидува дека до 2020 година депресијата ќе биде второто водечко заболување во сите возрасни групи. Витшен дополнува дека во Европа, оваа грда перспектива веќе се остварила, заболувањата на мозокот веќе станаа поединечна најголема причина за болестите во рамките на Европската унија. Според него, четирите најлоши состојби се депресијата, деменцијата како на пример Алцхајмеровата болест и васкуларните деменции, зависноста од алкохол и мозочен удар./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.