Македонија
Драстичен скок на МБИ 10
Берзанскит индекс МБИ-10 денеска втор ден по ред оствари пораст и тоа во висина од 6,18%, а вредноста му се покачи на 2.667,30 индексни поени
Берзанскит индекс МБИ-10 денеска втор ден по ред оствари пораст и тоа во висина од 6,18%, а вредноста му се покачи на 2.667,30 индексни поени.
Наспорти него, МБИД загуби 0,86% од својата вредност која на крајот од денот изнесуваше 2.371,84 индексни поени, а ОМБ оствари пад од 0,27% намалувајќи ја својата вредност на 104,86 индексни поени.
На денешното тргување на македонската берза за хартии од вредност се постигна вкупен промет од 30.365.091,02 денари. На официјалниот пазар се истргуваа хартии од вредност во вредност од 26.202.895,02 денари. Редовниот пазар оствари промет од 4.162.196,00 денари, при што беа реализирани 46 трансакции.
Хартија од вредност со најголем промет на официјалниот пазар беше државната обврзница за денационализација од осмата емисија со промет од 15.670.904,67 денари. Просечната цена изнесуваше 77,53.% од номиналната вредност остварјувајќи благ пад од 0,71% при истргувани 329.250 обврзници.
Втора по промет на официјалниот пазар беше акцијата на Алкалоид со промет од 2.639.466,00 денари. Просечната цена што се оствари изнесуваше 4.663,37 денари што значи пораст од 7,37% во однос на претходниот ден. Истргувани беа 566 акции.
Акцијата на Комерцијална Банка оствари промет од 2.127.818,00 денари. Постигнатата просечна цена од 2.738,50 денари значеше голем пораст од 8,25%. Истргувани беа 777 акции.
Хартија од вредност со која најмногу се тргуваше на редовниот пазар беше акцијата на Алкалоид Берово со која се оствари промет од 1.696.000,00 денари. Просечната цена која не се промени во однос на последното тргување изнесуваше 8.000,00 денари. Вкупно беа истргувани 212 акции од Алкалоид Берово.
Акцијата на Арцелормиттал (ХРМ) Скопје со остварен промет од 969.200,00 денари беше втора по промет на редовниот пазар. Просечната цена од 100,12 денари се покачи за 0,15%. Истргувани беа вкупно 9.680 акции.
Акцијата на Македонски Телеком оствари промет од 516.375,00 денари со просечна цена од 364,67 денари. Имаше блага нагорна промена на просечната цена од 0,81% при вкупно истргувани 1.416 акции.
Пет најтргувани хартии од вредност
1. Р.Македонија – Денационализација 08
2. Алкалоид Скопје
3. Комерцијална Банка Скопје
4. Макпетрол Скопје
5. Алкалоид Берово
Хартии од вредност со најголем пораст
1. Топлификација Скопје 9,97%
2. Стопанска Банка Скопје 8,79%
3. Комерцијална Банка Скопје 8,25%
4. Гранит Скопје 8,00%
5. Алкалоид Скопје 7,37%
Хартии од вредност со најголем пад
1. Интерпромет Тетово 34,74%
2. Топлификација Одржување Скопје 30,00%
3. АДГ Пелагонија Скопје 30,00%
4. Адинг Скопје 18,00%
5. ИДЕВЕЛОП Скопје 2,86%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.