Европа
Фицо: ЕУ мора подобро да комуницира со граѓаните
Есенскиот самит во Братислава на 27-те членки на Европската унија ќе мора да понуди решенија за подобра комуникација меѓу Брисел и граѓаните поради сé поголемата недоверба во европските институции, изјави во средата словачкиот премиер Роберт Фицо, чија земја од 1-ви јули го презема ротирачкото претседателство со Унијата.
„Сега е сосема јасно дека во комуникацијата со граѓаните Брисел потфрли. Мораме подобро да објасниме зошто европскиот проект е посебен. Извонредно е важно повторно да се освојат срцата на Европејците“, изјави словачкиот премиер Роберт Фицо ба прес-конференцијата пред во парламентот да ја претстави програмата за шестмесечното словачко претседавање со Европската унија.
Фицо истакна дека со членството во ЕУ Словачка станала посилна на економски, општествен и геополитички план, но дека мора подобро да бидат сослушувани граѓаните и да се земат предвид нивните дилеми и загрижености. „Мораме да ги слушаме своите граѓани и да ги земаме предвид нивните очекувања“, рече Фицо.
Претседателот Европскиот парламент, Мартин Шулц, изјави дека словачкото претседавање со ЕУ доаѓа во многу бурно време имајќи го предвид британскиот референдум за Brexit, како и дека на самитот во Братислава на 16-ти септември мора да се разговара како ЕУ да се направи поефикасна, подемократична и поподготвена за бројните предизвици.
„Не можеме повеќе да чекаме. Преостанатите 27 членки мора да најдат најдобри решенија за ЕУ. Мораме, меѓутоа, да се фокусираме максимално да се искористат потенцијалите на Лисабонскиот договор“, изјави Шулц нагласувајќи дека е особено важно справувањето со прашањето на стабилноста на заедничката валута, економскиот раст и невработеноста.
Според него, ЕУ, во крајна линија, мора да излезе на крај со британското излегување и оцени притоа дека не е потребна расправа за институциите, како и дека нема потреба за измени во темелните европски документи. Шулц тврди, исто така, дека по Brexit нештата нема да бидат исти како претходно, како и дека по прашањето за реформа на ЕУ и нејзината иднина мора да се изнајде компромис.
„Секогаш станува збор за компромис, а не за победа на едната страна над другата. Мораме да пронајдеме заеднички именител за европската иднина“, рече Шулц додавајќи дека она што „изгледаше како добро сиви пред 30 години повеќе не изгледа донро3.
На прашањето на новинарите за воспоставување на Европската гранична и крајбрежна стража (EBGC), и Фицо и Шулц рекоа дека безбедноста на надворешните граници на ЕУ е многу важно/
„Прашањето на безбедноста е еден од приоритетите на словачкото претседавање. Го поддржуваме воспоставувањето на EBGC, во текот на следните шест месеци ќе се дојде до потполна имплементација на законот за системот на гранична и крајбрежна стража“, рече Фицо. Истакна притоа дека по низата терористички напади е потребно да се одреди каква безбедносна политика во иднина ЕУ ќе им понуди на своите граѓани./крај/мф/бс
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.