Забава
Сладолед од ванила против стрес
Сакате да сте среќни? Јадете сладолед!
Ова не е шега, туку препорака од британските научници. Тие за време на своето истражување дошле до заклучок дека овој ладен десерт ви дава исто уживање во мозочните центри како и добивањето пари или слушање на омилената музика. Доволно е само една лажица сладолед да предизвика реакција во зоната за среќа во мозокот. Но, тоа не е се… Сладоледот е добар за многу други работи. Да почнеме со ред.Сладоледот не дебелее, природен е и богат со минерали и витамини. Нутритивната вредност на сладоледот е голема бидејќи на 100 грама има околу 200 калории. Во производството се користи обрано млеко во прав и бои од природно потекло.Сладоледот е како створен за здравјето, бидејќи го ублажува стресот и така го отстранува ризикот од целата низа заболувања кои се предизвикани од стресот. Докажано е дека на психата позитивно делува сладоледот од ванила, а тоа го докажало и испитувањето. За време на студијата испитаниците јаделе сладолед од ванила додека научниците им ги скенирале мозоците. Научниците откриле дека овој сладолед го ублажува стресот и предизвикува чувство на задоволство.Млечните производи богати со калциум го намалуваат јо-јо ефектот, односно враќањето на изгубените килограми после прекинувањето на диетата.Истражувачите откриле дека таквата храна може да го спречи враќањето на тежината и за 50 отсто. Денеска речиси сите видови сладолед се прават од квалитетна слатка павлака, па преку неа телото добива и калциум, кој особено е важен за коските. Затоа сладоледот е важен и за лицата кои не сакаат да пијат млеко и не јадат ферментирани млечни производи.Неодамнешните истражувања покажаа дека калциумот не само што ни ги штити коските, туку не чува и од рак на дебелото црево. Лицата кои во текот на денот земаат по 700 и повеќе милиграма калциум имаат значително помал ризик за развој на рак на дебелото црево, за разлика од оние кои земале само по 400 милиграма.Околу 83 отсто од нутриционистите сметаат дека десертот како што е сладоледот може да биде делотворен при држењето диета. Доколку исхраната е здодевна и еднолична, па дури и да е здрава, луѓето многу полесно ќе се откажат од неа ако менито не е збогатено со разновидни јадења и вкусови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.