Црна хроника
Притворен поранешен директор на охридски „Бетон"
Охриѓанецот М.С. (65), поранешен директор на АД ,,Бетон“е во 30 дневен притвор, поради основано сомнение дека е сторител на кривичните дела “проневера во службата, злоупотреба на службената положба и овластување и предизвикување стечај со несовесно работење”
Пријавениот во својство на директор на “Бетон” Охрид во период од 2005 до 2007 година, ја оштетил фирмата за сума од 21.818.156 денари, кои не ги наплатил на лице од Охрид на име комуналии, извршени градежни работи, земјиште за објект, проекти и користени материјали. Во истиот период М.С. иако знаел дека „Бетон” е неспособен за плаќање, со неразумно трошење на имотот, како и со оттуѓување на предмети и права по несразмерно ниски цени и преќутно обновување на договори со други лица без да оствари побарувања, извршил повреда на службените должности и во текот на 2009 година предизвикал стечај на фирмата.
Исто така М.С. во текот на мај 2006 година, врз основа на склучен договор за купопродажба на недвижен имот кај месноста “Елен Камен” сопственост на „Бетон” од лице од Струга, со записник и каса-прими, наплатил 4.284.000 денари кои не ги евидентирал во благајната на фирмата, туку во седум наврати со седум каса прими документи во периодот од 2006 до 2008 година, уплатил вкупно 3.275.000 денари, со што за себе го присвоил износот од 1.009.000 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Судир меѓу две возила на „Цветан Димов“, скопјанец е тешко повреден
Скопјанец е тешко повреден во судрир меѓу две возила во Скопје.
– На 30.04.2024 во 12.35 часот во СВР Скопје било пријавено дека на ул.„Цветан Димов“ во Скопје се случила сообраќајна несреќа помеѓу патничко возило „форд“, управувано од Ј.Р.(51) од Скопје и патничко возило „фолксваген“, управувано од Б.Р.(67) од Скопје, двете со скопски регистарски ознаки. Во несреќата со тешки телесни повреди се здобил Б.Р., констатирани во Градската општа болница „Св.Наум Охридски“, информираа од полицијата.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.