Спорт
Португалија го растури соседот светски шампион
Фудбалската репрезентација на Португалија на домашен терен во пријателски натпревар со убедливи 4:0 ја совлада Шпанија
Во реприза на осминафиналниот натпревар на последниот Мундијал, Португалија во целост му се реваншира за елиминацијата на актуелниот светски првакМартинс, на двапати Постига и Алмеида беа стрелци на головите со кои португалците и го нанесоа најубедливиот пораз на Шпанија во последните неколку години.За разлика од шампионот, светскиот вицепрвак, Холандија, забележа победа над Турција. „Лалињата“ во Амстердам славеа со минимален резултат 1:0. Третопласираната селекција од последното СП, Германија како гостин во Шведска во неинтересен натпревар одигра 0:0.Во Лондон реновираната селекција на Франција со головите на Бензема и Валбуена ја порази Англија со 2:1.Од селекциите со кои Македонија се наоѓа во квалификациската група за пласман на ЕУРО 2012, пријателски средби одиграа Русија, Словачка и Република Ирска, сите се поразени на домашен терен. Русија загуби од Белгија со 0:2, Словачка од БиХ со 2:3, а Ирска од Норвешка со 1:2. Резултати од другите натпревари: Црна Гора-Азербејџан 2:0, Естонија-Лихтенштајн 1:1, Унгарија-Литванија 2:0, Израел-Исланд 3:2, Данска-Чешка 0:0, Австрија-Грција 1:2, Швајцарија-Украина 2:2, Италија-Романија 1:1, Полска-Брег Слонова Коска 3:1, Јужна Африка-САД 0:1, Северна Ирска-Мароко 1:1 и Словенија-Грузија 1:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

