Македонија
Ќерката на Рамковски отстранета од судницата
Со повеќе од еден час задоцнување и полициски проверки продолжи судењето за случајот „Пајажина“, во кој им се суди на сопственикот на А1 телевизија и на уште 22 обвинети.
Со повеќе од еден час задоцнување и полициски проверки продолжи судењето за случајот „Пајажина“, во кој им се суди на сопственикот на А1 телевизија и на уште 22 обвинети.
Поради отсуство на еден од адвокатите Драган Михајловски, судијката Павлина Христова даде пауза од 15 минути.
За време на паузата обвинетиот Велија Рамковски и неговата ќерка Емел Рамковска, која исто е обвинета за овој случај, се прегрнаа со нивата ќерка и сестра Лејла, која го следеше судењето.
Поради ова судијката ја отстрани Лејла од судењето со образложение дека јавноста нема да има контакт со обвинетите.
Не помогна ни извинувањето на Велија Рамковски и неговото ветување дека ова нема да се повтори.
Вчера судењето беше одложено поради здравствената состојба на една од обвинетите Ѓултен Џемаили.
На почетокот на судењето судијката рече дека разговарала со нејзината лекарка Костадинка Бојкова, која во телефонскиот разговор и кажала дека Ѓултен не била на преглед околу еден месец. Но, според мислењето на лекарката, на Ѓултен и било потребно болничко лекување, но докторката сè уште и немала издадено упат бидејќи не и бил побаран. Терапијата што ја примала Ѓултен била за смирување и како што рекла лекарката, немала негативни ефекти на другите функции.
Се очекува судењето да продолжи со читање на обвинителниот акт. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Европски фронт: Граѓаните сами одлучуваат како ќе го искористат правото на глас на претседателските избори
Лидерите на партиите кои се дел од Европскиот фронт на денешната средба во Струга заклучија дека првиот круг од претседателските избори на 24 април помина во мирна, фер и демократска атмосфера, а победата на Бујар Осман од 40.000 гласа над Арбен Таравари – кандидат на опозицијата, тоа е победа која уште повеќе ќе се продлабочи на 8 мај, на парламентарните избори кога Европскиот фронт ќе ја одбележи својата историска победа.
Во овој случај, бидејќи Европскиот фронт повеќе не е дел од претседателската трка во вториот круг од претседателските избори и бидејќи гласот на граѓаните за нас е свет и нивно право, Европскиот фронт наведува дека тоа е ексклузивна волја на граѓаните како што сакаат да го искористат ова право.
Македонија
Стојаноска: Не дозволувајте да ве платат или заплашат, време е за победа над мафијата
„Подолго време наназад, уште пред почетокот на кампањата, се чувствува огромна позитивна енергија која на 24 април се излеа на гласачките места. И вечерва тука, ја чувствувам истата, многу посилно. Можам да кажам дека, заедно со вас, правиме револуција со пенкало. Оваа енергија нека го достигне својот врв на 8 мај. Мора да почнеме поинаку да функционираме и да не молчиме пред неправдите. Мора да се обелоденуваат сите криминали и скандали. Мора да бидеме гласни, за да не станеме невидливи. Криминалот е тој кој треба да биде замолчен. Доста е! Стигнавме до се’ поизвесната победа. Победа врз најкриминалната власт досега. Им благодарам на сите кои ни се приклучија, ни се приклучуваат и допрва ќе ни се придружат. Не смее да дозволиме малцинство од криминалци да владее со мнозинството. Мафијата стана синоним за ДУИ и за СДСМ. Мафијата царува, додека народот пати“, кажа носителот на листата за пратеници на ВМРО-ДПМНЕ во ИЕ6, Дафина Стојаноска и додаде:
„Време е да ставиме крај на ова! Не дозволувајте да ве платат или заплашат. Ако ви нудат пари – тоа се ваши пари. Ако ви нудат многу пари – и тоа се ваши пари. Ако ви се закануваат – знајте дека после 8 мај ќе бидете заштитени од новата Влада која ќе ја формира ВМРО-ДПМНЕ. Затоа велам: сега или никогаш! Време е за победа над мафијата. Не им се плашете – казнете ги. Не бојкотирајте – реагирајте! Излезете масовно на гласање и да не дозволиме сценарија за некаква си политичка или финансиска криза. ДУИ и СДСМ најдобро „пливаат“ во време на кризи, додека народот го оставаат да се прпелка на суво. Не’ опљачкаа, не’ понижија и не’ изрезилија насекаде. Поставуваат замки кои, после поразот, треба да ги угушат промените кои народот со душа ги очекува“.
Стојаноска повика мултиетнички Гостивар да се обедини околу ВМРО-ДПМНЕ и така сплотени да и го зададат последниот удар на оваа власт.
„Да го казниме Али! Да го казниме Артан Груби! Таче од поодамна е веќе небитен. Мултиетнички Гостивар да се обедини околу ВМРО-ДПМНЕ и така сплотени да и’ го зададеме последниот удар на оваа криминална власт. Прво, ајде сите заедно да гласаме за професорката Гордана Силјановска Давкова, најумната и најдостојната Македонка во моментов, и да бидеме горди со нејзините и нашите успеси, а не – „како до сега“ – со поразителниот лик на Водно кој го изгуби тлото под нозете, кој не’ нарекуваше стока, кој го направи Гоце Бугарин и кој помилува криминалци кои ги трујат нашите деца со дрога“, рече Стојаноска и додаде:
„За парламентарните избори, јавно ве повикувам да гласате за бројот 2, за Миле, Дејан, Анета, Ердоган и за мене. Ние сме тие кои стоиме пред вас денес и ви ветуваме дека бројот 2 е за двојна победа над двојното криминално дуо. Бројот 2 е за 4 гласни и борбени пратеници. Пратеници кои никогаш нема да ве изневерат. Излезете на 8 мај и гласајте. Излезете и не го губете гласот за листите кои немаат доволно гласови за пратеник. Изгубените гласови во 6-та изборна единица помагаат исклучиво за пратеник повеќе од ДУИ. Да го испратиме Али во пензија. Доста му беше! Доста му беше уценување и заканување. Али, Груби, Заев и Таче веќе не смеат да ни се повторат. Вие, народот, ја имате историската улога и одлука овој пат. Ние и никој друг! Сега или никогаш“.
Стојаноска го повика народот за поддршка на Гордана Силјановска Давкова и ВМРО-ДПМНЕ и коалицијата „Твоја Македонија“.
„Гласајте за професорката Силјановска Давкова и за листата на ВМРО-ДПМНЕ и коалицијата „Твоја Македонија“. Само овие луѓе носат промени. Само овие луѓе можат да ја направат Македонија твоја и горда. Бидете учесници во историската победа над криминалот и корупцијата, и да си ја вратиме Македонија во рацете на луѓето. Да бидеме пример и надеж за младите. Да бидеме храбри и одлучни, какви што се тие, и да им ја обезбедиме иднината тука – во Македонија, ослободена од канџите на мафијашите од ДУИ и СДСМ. Нивниот крај е наш заеднички почеток. Почеток за горда Македонија. Почеток за твоја Македонија. Промените се во твои раце. Број 2 – за двоен пораз над криминалот. Број 2 – за двојна победа на ВМРО-ДПМНЕ со коалицијата „Твоја Македонија“ и Гордана Силјановска Давкова“, кажа Стојаноска.
Македонија
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на моторни возила од одговорност за штети предизвикани на трети лица.
Усвоените измени и дополнувања од страна на Владата, се по предлог на Комисијата за осигурување од автомобилска одговорност при Министерството за финансии и со нив се утврдува опсег од 15% до 30%, во којшто друштвата за осигурување можат да го определат делот на премијата за вршење дејност на осигурување од автомобилска одговорност.
За износ на трошоците над 30%, предвидено е, друштвата за осигурување, да побараат претходна согласност од Агенцијата за супервизија на осигурување.
Денешната одлука на Владата значи враќање на цената на осигурувањето од автоодговорност на ниво од пред 25 април 2024 година.
Дополнително е утврдено дека Комисијата за осигурување од автомобилска одговорност, најдоцна до 30 септември, секоја година, до Владата доставува предлог за минимална и максимална стапка на техничка премија за осигурување за следната година.