Свет
Стевче зема хонорарци, а на другите не им дава
Државната ревизија утврдила дека во Министерството за труд и социјална политика работат околу 30 службеници со договор за дело, што е спротивно на работното законодавство
МИНИСТЕРСТВОТО ЗА ТРУД КРШИ ЧЕТИРИ ЗАКОНИ
Државната ревизија утврдила дека во Министерството за труд и социјална политика работат околу 30 службеници со договор за дело, што е спротивно на работното законодавство
Во Министерството за труд и социјална политика работат околу 30 службеници со договор за дело. Ангажираните лица извршуваат административно – технички работи како советници, помошни соработници, референти.
Во извештајот на Државниот ревизор стои дека хонорарците во Министерството се ангажираат во континуитет со години. Тие земаат месечен надоместок од 7.000 – 20.000 денари. За нив во 2005 година Министерството за труд и социјална политика потрошило 2 милиона денари.
"Ангажирањето на надворешни лица на овој начин е спротивно на одредбите од Законот за извршување на буџет, Законот за работни односи, законите за даноци и придонеси од плата, Законот за облигациони односи. Како последица од ова, Министерството незаконски потрошило државни пари", прецизирано е во извештајот на државниот ревизор.
Со договор за дело се ангажираат и негувателки, воспитачки и друг персонал за во градинките. Тие не се ставени во извештајот, зашто нивната работа се евидентира во секоја градинка поединечно.
Трудовата инспекција, која е составен дел на Министерството за труд, секојдневно врши контрола на фирмите и ги лови непријавените работници. Работното законодавство не дозволува вработување со договор за дело. Годишно, според извештаите, инспекторите фаќаат околу 20.000 работници кои работат на диво.
Во ревизорскиот извештај стои дека Министерството за труд има потреба од нови вработувања зашто таму недостигаат околу 100 извршители. "Министерството има добиено согласност од Агенцијата за државни службеници за нови вработувања, меѓутоа, Министерството за финансии нема дадено согласност за потребните средства за пополнување на испразнети работни места", е наведено во извештајот.
Тие му порачале на министерот Стевчо Јакимовски дека треба да го преиспита ангажирањето на надворешни лица, да преземе поактивни мерки за нивно вработување, но и да направи нова систематизација за поефикасно искористување на кадарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.