Македонија
Медијацијата во Македонија се уште незаживеана
Медијацијата во Македонија не е многу раширена и за нејзината промоција треба уште многу да се направи
Ова е генерална оценка на промоцијата на Прирачникот за медијација, што во понеделник се одржа во Врховниот суд.
Според холандскиот министер за правда Хирш Балин, луѓето во Македонија не се доволно информирани за медијацијата, иако овој начин на решавање на споровите, ќе им овозможи побрзо и поефтино надминување на проблемот.
Тој ги пренесе холандските искуства во оваа област, нагласувајќи дека токму од разликите треба да се учи.
Министерот Михајло Маневски ја истакна полезноста на медијацијата, при тоа додавајќи дека во Македонија треба да се спроведе една поголема кампања за запознавање на општеството со предностите на медијацијата.
„Со користењето на медијацијата, ќе дојде до растоварување на судовите“, смета Маневски.
И директорот на CSE – Оддел за Јужна Европа и Централна Азија Џовани Даниеле вели дека Македонија треба уште многу да направи за промоција на медијацијата.
Според него, CSE ќе продолжи да го помага проектот за презентација на медијацијата, со цел, таа да најде примена во македонското опшптество.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.