Свет
Клучен референдум во Киргистан
Во недела наутро во Киргистан се отворени избирачките места за референдумот за новиот устав со кој преодната влада би требала да добие легитимитет до организирањето нови избори закажани за октомври
Референдумот се одвива во услови на меѓуетнички тензии и нарушена безбедносна состојба, па привремената влада во Бишкек ангажира осум илјади полицајци и исто толку волонтери за одржување на мирот.Аналитичарите на состојбите во оваа средноазиска држава сметаат дека е големо прашање дали во воопшто може да се спроведе референдум кога до пред десетина дена дојде до големи крвопролевања во кои според признанието на привремената претседателка Роза Отунбаева биле убиени околу две илјади лица а протерани од нивните домови се околу 400 илјади луѓе. Контролните пунктови се поставени низ престолнината Бишкек, како и во јужните градови Ош и Џалал-Абад кои беа епицентрите на меѓуетничките судири меѓу Киргизите и Узбеците кои во јужните области сочинуваат речиси половина од тамошното население. Референдумот го поддржуваат Русија и САД, а го сметат за многу важен чекор кон стабилизација на земјата откако преодната влада во април дојде на власт соборувајќи го во насилни демонстрации кога имаше околу 90 загинати и 1.500 ранети режимот на претседателот Курманбек Бакиев.Право на глас на рефернедумот имаат околу 2,5 милиони жители на Киргистан.Главна новина во предлог-уставот е намалувањето на ингеренциите на претседателот на државата на сметака на Парламентот, со цел да се избегне досегашната практика на концентрација на моќта во една личност.Гласањето ќе трае до 20 часот по локално време (16 часот по средноевропско време), а првичните резултати се очекуваат во текот на понеделник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хеликоптерот со иранскиот претседател Ебрахим Раиси доживеа „тешко слетување“
Хеликоптерот со иранскиот претседател Ебрахим Раиси доживеа „тешко слетување“, објави иранската државна телевизија, без веднаш да даде детали.
Раиси отпатува во иранската провинција Источен Азербејџан. Државната телевизија соопшти дека инцидентот се случил во близина на Џолфа, град на границата со Азербејџан, на околу 600 километри северозападно од иранската престолнина Техеран, а спасувачите биле отежнати од силниот ветер и дождот.
Сè уште нема официјална информација за тоа во каква состојба е Раиси.
Раиси беше во Азербејџан во неделата рано наутро на отворањето на браната со претседателот на Азербејџан, Илхам Алиев.
Иранската државната новинска агенција ИРНА објави дека хеликоптерот „паднал во несреќа во општата област Варзеган“ во провинцијата Источен Азербејџан, а покрај Раиси, во хеликоптерот имало уште неколку официјални лица, меѓу кои и министерот за надворешни работи Хосеин Амир Абдолахиан.
Тешките временски услови и густата магла ги отежнаа напорите на спасувачките тимови, соопшти иранската државна телевизија.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.