Владини извори на Азербејџан денеска потврдија за Еуроњуз дека падот на авионот во кој загинаа 38 патници, од кои некои преживеаја, при слетување во близина на градот Актау во Казахстан бил предизвикан од руски проектил земја-воздух.

Според овие извори, проектилот бил истрелан кон летот 8432 за време на активноста на беспилотни летала над Грозни, а проектилите ги погодиле патниците и екипажот откако експлодирале покрај авионот за време на летот.

Владини извори за „Еуроњуз“ изјавија дека оштетениот авион не смеел да слета на ниту еден руски аеродром и покрај барањата на пилотот за итно слетување. Наместо тоа, му било наредено да лета преку Каспиското Море кон Актау, Казахстан.

Податоците покажуваат дека ГПС навигациските системи на авионот биле прекинати во текот на летот над морето.

Според извештајот на меѓународниот портал AnewZ со седиште во Баку, кој се повикува на извори од азербејџанската влада, проектилот бил истрелан од системот за воздушна одбрана „Панцир-С“.

Руски извори јавуваат дека руските сили за воздушна одбрана активно се обиделе да соборат украински беспилотни летала кога авионот на Азербејџан ерлајнс ја преминувал Чеченија.

Доколку се потврдат овие прелиминарни извештаи, ова ќе биде втор пат во една деценија руските сили да соборат комерцијален авион, по соборувањето на летот МХ17 во Украина. Овој пат меѓу жртвите има руски државјани, но и оние од соседните земји.

Понатамошната истрага за несреќата треба да ги открие околностите околу лансирањето на ракетата, одбивањето за слетување на блиските аеродроми во Русија и наредбата да се прелета оштетениот авион над морето.

Покрај тоа, и четири извори потврдиле за Ројтерс дека патничкиот авион кој вчера се урна во Казахстан, претходно бил погоден од руска ракета над Чеченија.

Mинистерoт за безбедност на Израел дојде во комплексот на џамијата „Ал-Акса“ во Ерусалим за да ја изврши, како што рече, молитвата за заложниците во Газа, уште еднаш доведувајќи ги во прашање правилата за една од најчувствителните локации на Блискиот Исток.

Официјалниот став на Израел е дека тој ги прифаќа децениските правила, кои ја ограничуваат немуслиманската молитва на местото, третото најсвето место во исламот, кое Евреите го нарекуваат Планина на храмот и го почитуваат затоа што таму се наоѓал храм од библиско време.

Според деценискиот договор со муслиманските власти, „Ал-Акса“ е управувана од верска фондација од Јордан и, според децениските правила, Евреите може да ја посетат, но не смее да се молат таму.

עליתי הבוקר למקום מקדשנו, לתפילה לשלום חיילנו, להחזרת כל החטופים במהרה ולניצחון המוחלט בעזרת השם. pic.twitter.com/uSBQCk64aZ

— איתמר בן גביר (@itamarbengvir) December 26, 2024

„Денеска, се искачив на нашето свето место во молитва за благосостојба на нашите војници, за брзо враќање на сите заложници и за целосна победа со божја помош“, напиша министерот за безбедност Итамар Бен-Гвир на социјалните мрежи.

Објавата содржи и фотографија на која се гледа како Бен-Гвир оди во област на врвот на ридот во Стариот град во Ерусалим, но немаше фотографии или видеа од него како се моли.

Кабинетот на премиерот Бенјамин Нетанјаху веднаш објави соопштение, во кое го повтори официјалниот став на израелската држава.

Палестинската милитантна група Хамас киднапира околу 250 луѓе во својот напад врз јужен Израел на 7 октомври 2023 година, при што, според израелските податоци, загинаа 1.200 луѓе. Во војната во Газа што следуваше израелските сили убиле над 45.300 Палестинци, според здравствените власти во енклавата управувана од Хамас.

Предлозите на израелските ултранационалисти дека Тел Авив може да ги промени правилата на теренот на џамијата во минатото предизвикуваа насилни судири со Палестинците.

Во август Бен-Гвир го повтори своето барање на Евреите да им биде дозволено да се молат таму, што доведе до остри критики.

Властите во Газа соопштија дека во израелски воздушен напад загинале пет палестински новинари пред болница, но израелската војска објави дека нападналa возило со милитанти на Исламскиот џихад.

Лекарите соопштија дека најмалку 21 лице загинале во израелските воздушни напади врз палестинската енклава додека Хамас и Израел меѓусебно се обвинуваат за одложување на постигнувањето договор за прекин на огнот.

Синдикатот на палестинските новинари објави дека пет новинари од каналот „Ал-Кудс тудеј“ биле убиени во еден напад пред болницата „Ал-Авда“ во бегалскиот камп „Ал-Нусеират“ во центарот на Газа.

Повеќе од 190 палестински новинари се убиени од почетокот на војната во октомври 2023 година. Израелската армија објави дека „извршила прецизен удар врз возило со терористичката група Исламски џихад во областа Нусејрат“.

Израел редовно ги негира нападите врз новинарите и тврди дека презема чекори за да избегне напади врз цивили.

Групата Исламски џихад, која е поддржана од Иран и е сојузник на Хамас, се приклучи на борбите против Израел во октомври 2023 година.