Двајца странци с уапсени во Иран под обвинение дека разговарале со синот на Сакина Мохамади-Аштиани, која е осудена на смрт со каменување, пренесува Agence France Presse

Ова во понеделник го изјавил за иранските медиуми иранскиот државен обвинител Голам Хусеин Мохсени Ејеие.„Почетокот на истрагата покажува дека тие луѓе влегле во земјата како туристи и дека му поставувале прашања на синот на Сакина Мохамад-Аштиани. Тие две лица сега се во притвор.“, изјавил обвинителот Ејеие, кого го цитира иранската новинска агенција Isna.Претходно во понеделник, Меѓународниот комитет против каменувањето чие седиште е во Германија, соопштил дека страхува оти во неделата навечер се уапсени синот на Сакина Мохамади, нејзиниот адвокат Хоутан Кина и двајца германски новинара. „Истрагата покажа дека тие луѓе не се новинари, или барем нема докази дека тоа се“, изјавил иранскиот обвинител кој не го споменал нивното државјанство, но се смета дека станува збор за Германци. Германското министерство за надворешни работи не можело да го потврди можното апсење на германски државјани. „Запознаени сме со информацијата и спроведуваме истрага“, изјавил во понеделник портпаролот на германското МНР.Мохамади-Аштиани е 43-годишна е мајка на две деца, 22-годишен син и 17-годишна ќерка која во 2006 г. беше осудена на десет години затвор за учество во убиството на нејзиниот сопруг заедно со еден од нејзините љубовници и на смрт со каменување заради прељуба. Таа веќе е казнета со 99 удари со камшик заради незаконската врска со два мажа..На 28-ми септември портпаролот на иранското министерство за надворешни работи изјави дека преиспитувањето на случајот на Аштиани не е завршено. На почетокот од јули  Иран објави дека смртната пресуда со каменување донесена во 2006 г. и потврдена во 2007 г. на второстепен суд не е извршена и дека постапката се обновува. Каменувањето е одложено додека судот повторно не ја разгледа пресудата. Инаку таа е прогласена за виновна и осуден во 2006 г. Во меѓувреме меѓународната заедница се ангажираше за неизршување на казната а  Бразил и официјално на осудената Иранка и’ понуди политички азил, но властите во Техеран го одбија тоа со образложение дека не било упатено официјално барање.Бразилскиот министер за надворешни работи Селсо Аморим на почетокот од август на иранските власти им исрпати порака во која се нагласува дека ова би можело да биде добра прилика Техеран да покаже хуманост и да и овозможи на Аштиани да дојде во Бразил. Оваа понуда и официјално била врачена од страна на бразилскиот амбасадор во Техеран. Бразил со Турција се двете држави кои се своевидини застапници на западните држави во преговорите со Иран околу неговата контроверзна неуклеарна програма.