Свет
Нов биланс на земјотресот – 275 загинати, шестмина од Македонија
Бројот на загинатите во катастрофалниот земјотрес што во понеделникот ја зафати централна Италија се искачи на 275 луѓе, меѓу кои според последните
Бројот на загинатите во катастрофалниот земјотрес што во понеделникот ја зафати централна Италија се искачи на 275 луѓе, меѓу кои според последните информации има шестмина државјани на Македонија.
Надлежните стравуваат дека бројот на загинатите ќе надмине 300, бидејќи како исчезнати се водат уште триесетина луѓе, а надежите за нивно спасување се намалуваат, како што изминуваат часовите.
Во земјотресот беа повредени 1170 луѓе, од кои 179 се наоѓаат во критична состојба, јавија локалните гласила.
Подрачјето на Аквила кое е во епицентарот на катастрофалниот земјотрес се уште го тресат афтершокови.
Најсилниот афтершок, со јачина од 5,2 степени според Рихтеровата скала, се случил ноќеска околу еден часот. /крај/ста/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.