Црна хроника
Запленет хероин во вредност од милион евра
Македонската полиција прекина меѓународен шверцерски канал за дрога, при што две лица се уапсени и се запленети повеќе од девет килограми хероин, вреден над милион евра
Министерството за внатрешни работи соопшти дека во кординација со турската служба за борба против дрога, спровела меѓународна акција под оперативно име „Босфор” за откривање и пресекување на меѓународен канал за недозволена трговија со наркотична дрога хероин од Блискиот Исток кон западноевропските држави.Во акцијата се приведени двајца макеодснки државјани од Скопје, едниот 34 а другиот 21-годишен, кои и претходно „минувале“ низ полициските архиви.Дрогата била пронајдена во три јутени вреќи во такси возило „Фолксваген кеди” со скопски регистерски ознаки, во кои имало платно за фармерки обвиткани во ролни, наменети за фиктивна фирма „Фатитекс“Двајцата осомничени, кои претходно се идентификувани како нарачатели на пратката хероин, веднаш биле уапсени, додека за возачот на таксито е утврдено дека бил ангажиран по пријателска линија без да знае што пренесувал.Полицијата дополнително извршила претрес на домовите на приведените, при што е пронајден еден пиштол ТТ калибар 7,62 мм.Двацата со соодветни кривични пријави и доказниот материјал во текот на денов ќе бидат изведени пред Основно Јавно обвинителство за организиран криминал и корупција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тетовец измамил жена од Косово за 732 евра
Жена од Косово била измамена од Е.В.(45) од Тетово.
Според пријавеното во МВР, во текот на минатиот месец, во комуникација преку социјалните мрежи, тој ѝ ветил дека ќе ѝ среди во Скопје да полага испит по германски јазик согласно законските прописи и, откако се договориле, таа преку брз трансфер на пари му уплатила 732 евра.
Откако последните денови не им се јавувал, тие сфатиле дека биле измамени.
Се преземаат мерки за расчистување на случајот.
Црна хроника
Скопјанец ги нападнал сопругата и малолетната ќерка, па кршел по дома
Полицијата вчера го приведе Ѓ.Р.(44) од Скопје, затоа што околу 11.00 часот во семејниот дом на подрачје на општина Аеродром во Скопје, по претходна расправија, физички ги нападнал својата 49-годишна сопруга и својата малолетна ќерка, а оштетил и дел од покуќнината.
По целосно документирање на случајот, против него ќе биде поднесен соодветна пријава, објави МВР во дневниот билтен.
Црна хроника
Четворица искасани од кучиња скитници во Скопје
Четири лица пријавиле каснување од куче скитник во полициските станици во Скопје.
На 21.05.2024 во 12.00 часот во Полициската станица Чаир, В.П.(46) од Радишани, скопско, пријавила дека на ул.„48“ во Радишани била касната од куче скитник.
На 21.05.2024 во 18.40 часот во СВР Скопје, К.Т.(62) од Скопје пријавил дека на паркингот на Универзитет Св.„Кирил и Методиј“ бил каснат од куче скитник.
На 21.05.2024 во 20.20 часот во Полициската станица Ѓорче Петров, К.К.(75) од Скопје пријавил дека на ул.„Новопроектирана“ во Скопје бил каснат од куче скитник.
На 21.05.2024 околу 19.30 часот во Полициската станица Шуто Оризари, Б.С.(35) од Скопје пријавила дека на ул.„Брсјачка буна“ во Скопје, нејзиниот малолетен син бил каснат од куче скитник.