Свет
Историски успех на жените на изборите во Кувајт
Четири жени освоиле пратенички мандат во кувајскиот парламент, првпат во историјата на организирањето избори во оваа арапска држава
На вчерашните парламентарни избори во Кувајт за 50-те пратенички места конкурирале вкупно 210 кандидати, од кои 16 биле жени. Ова се трети избори откако во 2005 г. и жените во Кувајт добија права да бидат избираат и да бидат избрани, но досега ниту една кандидатка не успеа да влезе во парламентот. Инаку, повеќе од половината од кувајтскиот електорат кој брои 384.790 илјади избирачи, се жени.Во саботата во Кувајт се одржаа предвремените парламентарни избори, откако емирот Сабах ал-Ахмад Ал-Сабах по третпат од 2006 г. го распушти парламентот заради несогласувањата меѓу пратениците и владата. Во Кувајт парламентот ја има и законодавната власт и ја контролира владата и секогаш може да изгласа недоверба на министрите. Сунитските исламисти добиле само 11 мандати, наспроти досегашните 21, а пет повеќе од нив имаат шиитските исламисти и либералите, додека конзервативците имаа 25 мандати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.