Свет
Пластичниот експлозив бил даден без пари на непостојна фирма

Пластичен експлозив од 2,5 тона
бил „продаван“ на непостојна фирма за 100 денари од килограм, иако вредел 17
пати повеќе, и згора на тоа воопшто не бил платен, утврдила полиција во
кривичната пријава за случајот „Сувенир“.
ПОЛИЦИЈАТА ГИ ПОТВРДИ НАОДИТЕ НА „ВРЕМЕ“ ЗА
„СУВЕНИР“
Пластичен експлозив од 2,5 тона
бил „продаван“ на непостојна фирма за 100 денари од килограм, иако вредел 17
пати повеќе, и згора на тоа воопшто не бил платен, утврдила полиција во
кривичната пријава за случајот „Сувенир“.
„Време“ веќе пишуваше за чудната судбина на пластичниот експлозив, како и за
други готови производи на фабриката за оружје во Самоков што останале во магацините,
откако фабриката му беше продадена на Гркот Василиос Пападопулос.
МВР вчера и официјално извести дека кривичната пријава за злоупотреба на
службената положба против стечајниот управник на „Сувенир во стечај“ и
проценителот со ограничено овластување била прифатена од гостиварското
обвинителство. Полицијата работела повеќе од два месеца на случајот.
Според пријавата, 2.443 килограми пластичен експлозив практично без пари му
биле дадени на Гркот. Тој никогаш не платил за експлозивот, иако во
документацијата пишувало дека Пападопулос платил 725.000 денари (11.885 евра)
или 100 денари за килограм. Квалитетот на експлозивот бил проверен од вештаци и
било утврдено дека неговата вистинска цена е 2.900.000 денари или 47.000 евра.
Згора на ова, тврди МВР, експлозивот бил продаден на фирмата „Сувенир Олимпик“,
која претходно Пападопулос ја избришал од Централниот регистар, на нејзино
место регистрирал нова фирма „Сувенир индустри“. Кулминацијата на полициската
истрага е откритието дека и 11-те илјади евра до денес не биле платени.
Процената ја направил осомничениот проценител.
Покрај експлозивот, кривичната пријава се однесува и на продажбата на 169 пушки
од Водот за обезбедување на фабриката за кои неодамна пишувавме.
Во пријавата се наведува дека 51 полуавтоматска пушка, 45 автоматски, како и 57
пушкомитралези и 16 пиштоли му биле дадени на Пападопулос во јуни лани. Притоа,
овојпат на новата фирма „Сувенир Индустри“ оружјето било дадено без да се
направи процена на вредноста и без согласност на Одборот на доверители на
фабриката.
МВР во текот на истрагата побарало процена на оружјето од фирмата „Микеи
интернационал“. Позната трговска фирма за оружје понудила 125.000 евра за
пушките.
До затворањето на весников, се уште траеше судската истрага за случајот во
Основниот суд во Гостивар. Засега не е познато дали осомничените се распрашани
од истражниот судија.
Продажбата на „Сувенир“ е веќе оспорена од поранешните вработени, но и од
стечајниот управник, поради неисполнување на обврските на Пападопулос. Деновиве
се очекува извештајот на ревизорската куќа, по што стечајниот судски совет ќе
решава дали ќе ја поништи продажбата. Случајот е и под око на вицепремиерот Зоран
Ставревски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Убиецот на Кирк го признал злосторството пред својот татко, но не сакал да се предаде

Откако американските власти ги објавиле фотографиите од лицето кое било барано за убиството на политичкиот активист, Чарли Кирк, таткото на Тајлер Робинсон го препознал својот син и се соочил со него, пренесува „Си-би-ес њуз“ повикувајќи се на извори од федералните полициски агенции.
Според истите извори, Робинсон пред својот татко признал дека тој е лицето од фотографиите. Таткото го убедувал да се предаде, но младиот човек одбил, заканувајќи се дека попрво би си го одзел животот одошто да заврши зад решетки.
Во драматичната ситуација, таткото побарал помош од семеен пријател – свештеник за млади, кој воедно е и судски службеник за обезбедување. Свештеникот на крај ја повикал американската полиција, која го привела Робинсон и го држела на безбедно до пристигнувањето на агентите на ФБИ. Младиот човек потоа бил предаден во притвор.
Свет
(Видео) Трамп: Ја решив војната меѓу Албанија и Азербејџан

Американскиот претседател Доналд Трамп, во гостување на „Фокс њуз“, изјави дека успеал да реши војна меѓу Албанија и Азербејџан – конфликт што никогаш не постоел.
Очигледно, тој ја помешал Албанија со Ерменија.
Трамп раскажа дека, наводно, ги довел лидерите на „двете држави“ во својот кабинет и ги натерал да се прегрнат и помират.
„22 години се борев, убивав негови луѓе“, наводно рекол едниот; „Седум години убивав нивни луѓе“, додал другиот.
„Јас им реков: ’Ајде да се прегрнете’. И го решивме проблемот“, изјави Трамп.
Trump confused Armenia with Albania during a Friday interview on Fox News.
“I ended wars that were thought to be unsolvable. Azerbaijan and Albania. It went on for many, many years,” he said. pic.twitter.com/86KJvi17Rm
— NEXTA (@nexta_tv) September 12, 2025
Свет
Осомничениот за убиството на Чарли Кирк се брани со молчење

Тајлер Робинсон, осомничениот за убиството на Чарли Кирк, престанал да комуницира со истражителите откако ангажирал адвокат. Деталите од неговиот прв разговор со полицијата се непознати.
„Тајлер Робинсон, човекот осомничен за пукањето и убиството на Чарли Кирк во среда, не разговара со истражителите“, потврдија за „Си-ен-ен“ два извори запознаени со случајот.
Еден од изворите рече дека Робинсон првично комуницирал со полицијата, но набрзо замолчил откако утрово ангажирал адвокат. Засега не е познато што разговарал со истражителите пред да одлучи да молчи.