Активно ги следиме состојбите на шумите бидејќи не сакаме да ни се повтори 2007 година кога имавме материјална штета од 24 милиони евра причинета од пожарите“, рече Шабан Салиу, директор на Дирекцијата за заштита и спасување.

Салиу додаде дека во текот на 2010 година во Македонија имало 72 шумски пожари кои навреме биле локализирани.

„Имаме три противпожарни авиони што секојдневно вршат превентивни летови во 35 подрачја на Македонија. Пожар во моментов нема никаде. Дирекцијата е подготвена како никогаш досега. Имаме 15 камиони за гаснење пожари во урбани средини, како и 10 за шумски пожари. Авионите и пилотите ги имаат сите потребни дозволи и ако  е потребно можат веднаш да полетаат“, објасни тој.

Екипа од 20 припадници за спасување, како и два авиона, утре ќе заминат да и помогнат на Руската федерација во смирувањето на огнената стихија што со денови беснеат во земјата, информираат од Дирекцијата.

„Добро е за Република Македонија да учествува во хуманитарни мисии што позитивно ќе влијаат на искуството на нашите припадници. Владата донесе ваква одлука по разговорите на министерствата за надворешни работи на двете држави по што реши да испрати помош. Парична помош од нас е побарана и од Пакистан и сега се разгледува нивното барање“, рече Салиу.

Салиу апелираше до граѓаните да не фрлаат запалени догорчиња во шумите и да не палат скара на недозволено место за да не предизвикаат пожар.