Свет
Доставени барања за изземање на двете судијки за „Бачило“
Владимир Ракочевиќ, адвокат на Иснифарис Џемаили, вчера до скопскиот Основен суд 1 достави барање за изземање на судијката Јасмина Блажевска и на претседателката на судот Добрила Кацарска од случајот „Бачило“.
Владимир Ракочевиќ, адвокат на Иснифарис Џемаили, вчера до скопскиот Основен суд 1 достави барање за изземање на судијката Јасмина Блажевска и на претседателката на судот Добрила Кацарска од случајот „Бачило“. Претседателот на Апелацискиот суд Вели Ведат в понеделник треба да одлучи дали Кацарска ќе постапува по барањето за изземањето на Блажевска.
– Во телевизиска изјава Кацарска ги измеша институтите „враќање во поранешна состојба“ и „повторување на постапката“ за случајот „Бачило“. Да беше студент таа веднаш ќе паднеше на испитот по граѓанско право. Таа беше пристрасна и со голема брзина го закажа рочиштето за повторување на постапката – вели Ракочевиќ.
Тој тврди дека нема никаква релација со нотарот Никола Стојменовиќ, кој ги заверил хипотекарните договори меѓу Иснифарис Џемаили и пензионерот Ордан Миланоски.
– Стојменовиќ беше нападнат во јавноста и покрај тоа што постапуваше законски. Антикорупциската комисија понекогаш оди надвор од своите надлежности. Ретко сум работел со нотарот Стојменовиќ и не сум во блиски односи со него – вели адвокатот на Џемаили.
Во следниве три дена Кацарска и Блажевска треба да дадат изјави, по што Ведат ќе одлучи дали двете судијки ќе бидат изземени од случајот „Бачило“.
Во меѓувреме, Апелацискиот суд ја укина привремената мерка за замрзнување на имотот на Џемаили и тој има право да располага со него и да го продава. Од Министерството за правда велат дека се уште вршат проверки врз работата на нотарот Стојменовиќ.
М. Ј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.